އެމެރިކާއަށް ވަނުން މަނާ ގައުމުތަކުގެ ލިސްޓަށް ނައިޖީރިއާ
7 ފެބުރުއަރީ 2020 | ހުކުރު 08:38އެރިޓްރިއާ، ސޫދާން، ޓެންޒޭނިއާ، ކިރްގިސްތާން އަދި މިޔަންމަރ ވެސް ލިސްޓުގައި ހިމެނޭ
ނައިޖީރިއާގެ ޕާސްޕޯޓް
އެމެރިކާއަށް އެތެރެވުން މަނާ ގައުމުތަކުގެ ލިސްޓަށް ނައިޖީރިއާ ލުމަށް ފަހު، އެ ގައުމުގެ ރައްޔިތުންނަށް ވިސާ ލިބުމުގައި ބޮޑެތު ދަތިތަކަކާ ކުރިމަތިލާން ޖެހިއްޖެއެވެ.
ނައިޖީރިއާގެ އިތުރުން، އެރިޓްރިއާ، ސޫދާން، ޓެންޒޭނިއާ، ކިރްގިސްތާން އަދި މިޔަންމަރ ވެސް ހިމެނެއެވެ. ބައެއް ވަތްތަރުތަކުގެ ވިސާ ނުލިބުނު ކަމުގައިވީ ނަމަވެސް، މި ހުރިހާ ގައުމުތަކެއްގެ ރައްޔިތުންނަށް ވެސް އެމެރިކާއަށް ފަތުރުވެރިންގެ ގޮތުގައި ދެވޭނެއެވެ.
އެފްރިކާ ބައްރުގެ އެންމެ ބޮޑު އިގްތިސާދު އޮންނަ ނައިޖީރިއާގެ ރައްޔިތުންނަށް ބައެއް ވައްތަރުތަކުގެ ވިސާ ނުލިބުމާއި ގުޅިގެން، އެ ގައުމުގެ ރައްޔިތުން ވަނީ ނުރުހުންފާޅުކޮށް އެމެރިކާ ސަރުކާރަށް، ހާއްސަކޮށް ރައީސް ޑޮނަލްޑް ޓްރަމްޕަށް ފާޑުކިޔާފައެވެ.
މި ގައުމުތަކުގެ ރައްޔިތުންނަށް ބައެއް ވައްތަރުތަކުގެ ވިސާ ލިބުން މަނާކޮށްފައިވަނީ، އެމެރިކާގެ ސަލާމަތާ ރައްކާތެރިކަމުގެ މިންގަނޑުތަކާއި، މައުލޫމާތު ބަދަލުކުރުމުގެ މިންގަނޑުތަކަށް ނުފެތޭ ކަމަށް ބުނެއެވެ.
އެމެރިކާގެ ރައީސް ޑޮނަލްޑް ޓްރަމްޕް 2017 ވަނަ އަހަރު ތައާރަފްކުރި ޓްރެވަލް ބޭންގެ ތެރޭގައި ގިނައިން ހިމެނެނީ މުސްލިމް ގައުމުތަކެވެ. އެ ލިސްޓުގައި މިހާރުވެސް ހަތް ގައުމެއް ހިމެނެއެވެ.
