ފަތުރުވެރިންގެ ގަޔަށް ވަޅި ހަރައި ޒަހަމް ކޮއްލި މައްސަލަ ބައިނަލްއަގްވާމީ މީޑިއާތަކުގެ ސަމާލުކަމަށް!
7 ފެބުރުއަރީ 2020 | ހުކުރު 07:583 މީހުންގެ ހާލުވެސް ރަނގަޅު
ފުލުހުން ސީންއެއްގައި ހަރަކާތްތެރިވަނީ
މި މަހުގެ 4 ވަނަ ދުވަހުގެ ރޭ ހުޅުމާލޭގައި ފަތުރުވެރިއަކާއި ރާއްޖޭގައި މަސައްކަތް ކުރާ އޮސްޓްރޭލިއާ އަދި ޗައިނާގެ މީހަކަށް ވަޅިން ހަމަލާދިން މައްސަލަ ބައިނަލްއަގްވާމީ މީޑިއާތަކުގެ ސަމާލުކަމަށް އައިސްފިއެވެ.
ހުޅުމާލޭގައި ހިނގައިދިޔަ މި ހާދިސާގައި 3 މީހަކަމަށް ވަޅިން ހަމާލާދީ ޒަހަމްކޮށްލާފައިވާއިރު މި ހަބަރު ވަނީ ބައިނަލްއަގްވާމީ މީޑިއާތަކުގެ ސަމާލުކަމަށް އައިސްފައެވެ. ހަމަލާގައިއޮސްޓްރޭލިއާއަށްނިސްބަތްވާ މީހަކަށް އަނިޔާވުމާއި ގުޅިގެން އެގަމުގެ ހަބަރު ފަތުރާ ވަސީލަތްތަކުން ވަނީ މި ހަބަރު ހޫނު ހަބަރެއްގެ ގޮތުގައި ގެނެސްދީފައެވެ. މީގެއިތުރުންބީބީސީ، ސީއެންއެންދަ ގާޑިއަންފަދަ ބޮޑެތި މީޑިއާތަކުންވެސް މި ހަބަރު ވަނީ ގެނެސްފައެވެ.
މިޙަމަލާގެ ޒިންމާ ނެގުމަށް ފަހު، ސޯޝަލް މީޑިއާގައި ދައުރުވަމުންދާ ވީޑިއޯގައި މޫނު ނިވާކޮށްގެން ތިބި ބަޔަކު، ތިމަންނާމެންމީ އިސްލާމިކް ސްޓޭޓްގެ ދިވެހިރާއްޖޭގެ ގޮފިކަމަށް ބުނެފައިވާ ވީޑިއޯއެއް އާންމުކޮށްފައިވާއިރު މިކަމުގެ ޞައްޙަކަން ކަށަވަރުކުރުމަށް ތަހުގީގު ހިންގަމުންދާކަމަށް ފުލުހުން ވަނީ ބުނެފައެވެ.
ރާއްޖެ ފަދަ ފަތުރުވެރިކަމަށް ބަރޯސާވެފައި އޮންނަ ގައުމެއްގައި މިފަދަ ހާދިސާއެއް ހިނގައި ބައިނަލްއަގްވާމީ މީޑިއާތަކުގައި ޓެރަރިސްޓް ޖަމާއަތް، އައިސިސްއިން މިކަމުގެ ޒިންމާ ނަގާފައިވާކަން ރިޕޯޓުކޮށްފައިވުމާއި ގުޅިގެން ފަތުރުވެރިކަމަށް އޭގެ ނޭދެވޭ އަސަރުކުރާނެކަމަށް ދާއިރާގެ މާހިރުން ވަނީ ބުނެފައެވެ.
އެޙާދިސާގައި އަނިޔާވި ތިން ބިދޭސީންނަށް ބޭނުންވާ ޞިއްޙީ ފަރުވާ ފޯރުކޮށްދެމުންދާކަމާއި، އެ ތިން މީހުންގެ ޙާލު ރަނގަޅުކަމަށް ރައީސް ސޯލިހު ވެސް ވަނީ ވިދާޅުވެފައެވެ. އަދި މިފަދަ ޙަމަލާތަކާއި، ހަރުކަށި ފިކުރުގެ މިފަދަ އެހެން ޢަމަލުތަކަކީ ޤައުމީ ސަލާމަތަށްހުރި ވަރަށް "ސީރިއަސް" ނުރައްކަލެއްގެ ގޮތުގައި ސަރުކާރުން ދެކޭ ކަމަށް ރައީސް ވަނީ ވިދާޅުވެފައެވެ.
