އެމްއައިބީން ބާޒާރު ސަރވިސް ސެންޓަރު ހުޅުވައިފި

މޯލްޑިވްސް އިސްލާމިކް ބޭންކުން އައު ކަސްޓަމަރ ސަރވިސް ސެންޓަރެއް ބާޒާރު ގެ ނަމުގައި ހުޅުވައިފިއެވެ.

ފާމުދޭރިމަގުގައި އަލަށް ޤާއިމުކުރި އައު ކަސްޓަމަރ ސަރވިސް ސެންޓަރ ހުހުޅުވާފައި ހުންނާނީ ބަންދު ނޫން ކޮންމެ ދުވަހެއްގެ ހެނދުނު 8:30 އިން 14:30 އަށެވެ.

އެމްއައިބީން ބުނީ މި ސަރވިސް ސެންޓަރ މެދުވެރިކޮށް އެކައުންޓް ހުޅުވުމުގެ ޚިދުމަތާއި ފައިސާ ކާޑާއި، ފައިސާނެޓުގެ ޚިދުމަތާއި، ޗެކު ޖަމާކުރުމުގެ އިތުރުން ޗެކް ފޮތް އަދި ބޭންކް ސްޓޭޓްމަންޓާއި، މުސާރައާއި، އެހެން ބޭންކުތަކަށް ފައިސާ ފޮނުވުމުގެ ޚިދުމަތް ލިބިގެންދާނެ ކަމަށެވެ.

އެމްއައިބީން އަލަށް ހުޅުވި ކަސްޓަމަރ ސަރވިސް ސެންޓަރުގައި މިހާރު ޚިދުމަތްދެނީ 3 ކައުންޓަރުންނެވެ. ނަމަވެސް ކުރިއަށްއޮތް ތަނުގައި ކައުންޓަރުގެ ޢަދަދު ހަތަކަށް އިތުރުކޮށް، އިތުރު ޚިދުމަތްތައް ކަސްޓަމަރުންނަށް ފޯރުކޮށްދޭނެ ކަމަށް އެ ބޭންކުން ބުނެއެވެ.

މި ސެންޓަރު މެދުވެރިކޮށް ކަސްޓަމަރުންނަށް އަވަސް ޚިދުމަތެއް ލިބިގެންދާނެކަމަށް އެމްއައިބީން ބުނެއެވެ.