އަނެއްކާވެސް ކުޑަކުއްޖަކާ ބެހުނު މައްސަލައެއް، ކުއްޖާއާއި ބެހުނީ 80 އަހަރުގެ ފިރިހެނެއް
ޖިންސީ އަނިޔާ ލިބިފައިވަނީ 12 އަހަރުގެ އަންހެން ކުއްޖަކަށް
ކުޑަކުއްޖަކަށް ޖިންސީ އަނިޔާލިބޭކަން ރަމްޒުކޮށްދޭ ޕޯސްޓަރެއް
އަނެއްކާވެސް 12 އަހަރުގެ އަންހެން ކުއްޖަކަށް 80 އަހަރުގެ ފިރިހެނެއް ޖިންސީ ގޯނާ ކުރި މައްސައެއް ފެންމަތިވެއްޖެއެވެ.
ފުލުހުން ބުނީ ޖެނުއަރީ 11 ވަނަ ދުވަހު ސައުތު ސެންޓްރަލް ޕޮލިސް ޑިވިޝަންގައި ހިމެނޭ ރަށަކުން 12 އަހަރުގެ އަންހެން ކުއްޖަކަށް ޖިންސީ ގޯނާ ކުރި މައްސަލައެއް ފުލުހުންނަށް ހުށަހެޅިފައިވާކަމަށެވެ. އަދި މި މައްސަލައިގައި އެ ފިރިހެން މީހާ ކޯޓު އަމުރެއްގެ ދަށުން ޖެނުއަރީ މަހުގެ 19 ވަނަ ދުވަހު ހައްޔަރުކޮށްފައިވާ ކަމަށް ފުލުހުން ބުނެއެވެ.
މި މައްސަލަ އިތުރަށް ތަހުގީގު ކުރަމުންދާ ކަމަށް ވެސް ފުލުހުން ބުނެއެވެ.
ފުލުހުން އިތުރަށް ބުނީ ކުޑަކުދިންނަށް ކުރާ އަނިޔާތަކަކީ އެ ސަރވިސް އިން ވަރަށް ސީރިއަސް ކޮށް ބަލާނެ މައްސަލަތަކެއް ކަމަށެވެ. އަދި ކުއްޖާގެ މައުލޫމާތު ރައްކާތެރިކުރުމަށްޓަކައި އެ ސަަރވިސް އިން ކުއްޖާގެ އަތޮޅާއި ރަށް ހާމަނުކުރާނެ ކަމަށެވެ.
