ރައްޔިތުންގެ މަޖިލީހުގެ ނާއިބު ރައީސް ހުޅުހެންވޭރު ދާއިރާގެ މެމްބަރު މޫސާ މަނިކުގެ އިތުބާރު ނެތްކަމުގެ މައްސަލަ ބުދަ ދުވަހު މަޖިލީހަށް ހުށަހަޅައިފި އެވެ.
އެނގިފައިވާ ގޮތުގައި މޫސަގެ އިތުބާރު ނެތްކަމުގެ މައްސަލަ މި ހުށަހެޅީ 15 މެމްބަރުންގެ ސޮޔާއެކުގަ އެވެ. ނަމަވެސް މި މައްސަލައިގައި ސޮއި ކުރައްވާފައިވާ މެމްބަރުންނެއް އަދި ނޭނގެ އެވެ.
މަޖިލީހުގެ ނައިބު ރައީސް ކަމުގެ މަގާމުގައި ހުންނެވި މޫސަގެ އިތުބާރު ނެތްކަމުގެ މައްސަލައެއް ހުށަހެޅިއިރު، މަޖިލީހުގެ ރައީސް އަބްދުﷲ މަސީހު މުހައްމަދު އިތުބާރު ނެތްކަމުގެ މައްސަލަ ވަނީ މި މަހުގެ 27 ވަނަ ދުވަހަށް ތާވަލްކޮށްފަ އެވެ.
މަސީހުގެ އިތުބާރުނެތް ކަމަށް 26 މެމްބަރުންގެ ސޮޔާއެކު ހުށަހެޅި އިރު، ސަރުކާރު ހިންގާ މައި ޕާޓީ ޕީޕީއެމާއި ސަރުކާރު ކޯލިޝަން އެމްޑީއޭއަށް ނިސްބަތްވާ މެމްބަރުން ވެސް އެ މައްސަލައަށް ތާއިދުކުރައްވައި ސޮއި ކުރައްވާފައިވެ އެވެ.
