ރައީސް ނަޝީދު ވިދާޅުވީ، 1000 އަށްވުރެ ގިނަ ގެއަށް ޒިޔާރަތްކުރެވުނުކަމަށް
1400 އަށްވުރެ ގިނަ ގޭގެޔަށް ޒިޔާރަތްކުރި
ދަތުރު ނިންމަވާލެއްވުމަށް ރައީސް ނަޝީދު މީޑިއާއަށް މައުލޫމާތުދެއްވަނީ
ކުރިއަށް އޮތް ލޯކަލް ކައުންސިލް އިންތިހާބުގެ ކެމްޕެއިނަށް އެމްޑީޕީން ތިލަދުންމައްޗަށްކުރި ދަތުރުގައި، 1000 އަށްވުރެ ގެއަށް ޒިޔާރަތްކުރެވުނުކަމަށް އެ ޕާޓީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ތިލަދުންމައްޗަށް ކުރެއްވި ދަތުރު ނިންމަވާލެއްވުމަށްފަހު އެއް ނަންބަރު ފާލަމުގައި ނޫސްވެރިންނާ ވާހަކަދައްކަވަމުން ރައީސް ނަޝީދު ވިދާޅުވީ އެ ދަތުރުގައި ކޮންމެ ރަށެއްގައިވެސް ކަންމަތީ ބައްދަލުވުންތަކެއްް ބޭއްވުނު ކަމަށެވެ. މި ދަތުރަކީ އަންނަ ލޯކަލް ކައުންސިލް އިންތިހާބަށް ތައްޔާރުވުމުގެ ގޮތުން ފެށި މަސައްކަތެއްކަން ފާހަގަކުރައްވާ ރައީސް ނަޝީދު ވިދާޅުވީ، އަތޮޅުތަކުގައި ހިންގަމުންދާ މަޝްރޫއުތަކުގައި ރައީސްގެ އެއްބާރުލުން ދިނުމަކީ އެޕާޓީގެ އަމާޒު ކަމަށެވެ.
ރައީސް ނަޝީދު ވިދާޅުވި ގޮތުގައި، އެ ދަތުރުގައި 1400 އަށްވުރެ ގިނަ ގޭގެއަށް ޒިޔާރަތް ކުރެވުނެވެ.
ރައީސސް ނަޝީދު ވިދާޅުވީ ދޮރުން ދޮރަށް ހިނގާ، ލިބޭ މައުލޫމާތުގެ މައްޗަށް ކައުންސިލްތަކަށް ދޭ ބަޖެޓު ބޭނުންކޮށްގެން ވަޒީފާގެ ފުރުސަތުތައް އިތުރުކުރެވޭނެ ގޮތްތައް ބަލަމުންދާނެ ކަމަށެވެ.
މި ދަތުރުގައި ވާހަކަފުޅުދައްކަވަމުން ރައީސް ސޯލިހު ވިދާޅުވެފައިވަނީ ލޯކަލް ކައުންސިލް އިންތިހާބުގައި އެމްޑީޕީން ބޮޑު މެޖޯރިޓީ ހޯދަންޖެހޭ ކަމަށެވެ. މެޖޯރިޓީ ނުލިބިއްޖެނަމަ ސަރުކާރުގެ ވައުދުތައް ފުއްދަން ހުރަސް އެޅޭނެ ކަމަށް އެމަނިކުފާނު ވިދާޅުވާ ވިދާޅުވުން ތަކުރާރުކުރައްވާފައެވެ.
އެމްޑީޕީގެ 300 އަށްވުރެ ގިނަ މެމްބަރުން ބައިވެރިވި މި ދަތުރުގައި ދެ ރައީސުންވެސް ވަނީ އިދިކޮޅަށް ވަރަށް ބޮޑަށް ފާޑުވިދާޅުވެފައެވެ. އެގޮތުން ޕީޕީއެމް / ޕީއެންސީން ކައުންސިލް އިންތިހާބުގައި ވާދަނުކުރުމަށް މަޖިލީހުގެ ރައީސް ނަޝީދު ގޮވާލައްވާފައިވާއިރު ލޯކަލް ކައުންސިލް އިންތިހާބު ހޯދަން އިދިކޮޅުން ބޭނުންވެގެން އުޅޭ ސަބަބު އެނގިވަޑައިވަޑައިނުގަންނަވާ ކަމަށް ވިދާޅުވެ ރައީސް ސޯލިހު ވަނީ ސުވާލު އުފައްދަވާ އިދިކޮޅަށް ބަހުގެ ހޫނު ހަމަލާތައް އަމާޒުކުރައްވާފައެވެ.
