އެމްޑީޕީގެ ޕްރިއަމަރީގައި ބައިވެރިވުމަށް ފޯމް ހުށައެޅުމުގެ ސުންގަޑި ހަމަވަނީ
ސުންގަޑި ހަމަވަނީ ހުކުރު ދުވަހު 18:00 ގައި
އެމްޑީޕީ އޮފީހުގައި ޕްރައިމަރީގެ ފޯމް ބަލައިގަތުމުގެ މަސައްކަތް ކުރިޔަށްދަނީ
އެމްޑީޕީގެ ޕްރައިމަރީގައި ބައިވެރުވުމަށް ފޯމް ހުށައެޅުމުގެ ސުންގަޑި ހުކުރު ދުވަހުގެ ހަވީރު 18:00 އަށް ހަމަވާނެ ކަމަށް އެ ޕާޓީން ބުނެފިއެވެ.
އެޕްރިލް މަހު ބާއްވަން ހަމަޖެހިފައިވާ ލޯކަލް ކައުންސިލް އިންތިހާބުގައި މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ ޓިކެޓްގައި ވާދަކުރަން މިހާތަނަށް 900 އަށް ވުރެ ގިނަ ފޯމް ލިބިފައިވާ ކަމަށް އިން ބުނެފިއެވެ. ޕްރައިމަރީ ބޭއްވުމަށް ހަމަޖެހިފައިވަނީ، މި ހިނގާ ޖެނުއަރީ މަހުގެ 31 ގައެވެ.
އެމްޑީޕީން ބުނީ، ސުންގަޑި ހަމަވުމަށް ފަހު ޕްރައިމަރީގައި ވާދަކުރަން ޝައުގުވެރިވާ ފަރާތްތަކެއް ތިބިނަމަ އިތުުރު ފުރުސަތެއް ހުޅުވާލާނެ ކަމަށެވެ. ޕްރައިމަރީގައި ވާދަކުރާ ކެނޑިޑޭޓުންގެ ލިސްޓު އާއްމު ކުރަން ހަމަޖެހިފައިވަނީ އަންނަ ހަފްތާގެ ހޯމަ ދުވަހުއެވެ.
ސަރުކާރު ކޯލިޝަންގެ މައިޕާޓީ އެމްޑީޕީން އެ ޕާޓީގެ ޕްރައިމަރީ ބޭއްވުުމުގެ ތައްޔާރީތައްވަމުން އަންނަ އިރު، އާދިއްތަ ދުވަހު އެމްޑީޕީ އުތުރު މަހާސިންތާ ކުޅުދުއްފުށީގައި ބޭއްވުމަށް ވަނީ ހަމަޖެހިފައެވެ. އެ ދަތުރުގައި އިސްކޮށް ހުންނަވާނީ އެމްޑީޕީގެ ރައީސް މުހައްމަދު ނަޝީދު އެވެ.
