ހަތަރު ދަހަރުގައި ކުޅޭ ފުރަތަމަ ކުޅުންތެރިޔަކަށް ވިންސް ކާޓަރ

އެމެރިކާގެ ނެޝެނަލް ބާސްކެޓްބޯލް އެސޯސިއޭޝަނުގެ މުބާރާތްތަކުގައި ހަތަރު ދަހަރުގައި ކުޅުނު ފުރަތަމަ ކުޅުންތެރިޔަކަށް ވިންސް ކާޓަރ ވެއްޖެއެވެ.

އެންބީއޭގެ ޓޮރޮންޓޯ އަށް ކުޅުނު ދުވަސްވަރު ފާހަގަވި ވިންސް ކާޓާރ އެންބީއޭގެ މުބާރާތެއްގައި އެންމެ ފުރަތަމަ ކުޅުނީ 1998 ވަނަ އަހަރުގައެވެ. އެގޮތުން އޭނާ އެންމެ ފުރަތަމަ ކްލަބް ޓޮރެންޓޯ އާއިއެކު އޭނާ ވަނީ ކާމިޔާބު ދުވަސްތަކެއް ހޭދަކޮށްފައެވެ. އެމެރިކާގެ މަޝްހޫރު ގިނަ ކްލަބްތަކަށް ވިންސް ކުޅެފައިވެއެވެ. އެގޮތުން ނިއު ޖާރޒީ އާއި އޮރެލާންޑޯ އަދި ޑެއްލާސްއަށް އޭނާ ކުޅެފައިވެއެވެ.

އެމެރިކާގެ ނޯރތް ކެރޮލައިނާ ކޮލެޖު ޓީމުން ފާހަގަވި ވިންސް ވަނީ ކެރިޔަރުގައި އެވެރެޖްކޮށް 17.2 ޕޮއިންޓް މެޗެއްގެ މައްޗަށް ސްކޯކޮށްފައެވެ. އަދި އޯލް ސްޓާރ މެޗުތަކުން 10.1 ޕޮއިންޓް އެވްރެޖްކޮށް ކޮންމެ މެޗެއްގައި އޭނާ ސްކޯ ކޮށްފައިވެއެވެ.

އޭނާގެ ކެރިޔަރުގައި މިހާތަނަށް ޖުމްލަ 1481 މެޗު ކުޅެފައިވާއިރު އޭގެ ތެރެއިން އޭނާ ވަނީ ހަތް ފަހަރު އޯލް ސްޓަރ ޓީމުގަ ހިމެނިގެން ކުޅެފައެވެ.

މި ސީޒަނަކީ އޭނާގެ އެންމެ ފަހު ސީޒަންކަމަށް އޭނާ ވަނީ ބުނެފައެވެ.