އިނގިރޭސި ޝާހީ އާއިލާގެ ހަތަރު ޖީލު ދައްކުވައިދޭ ފޮޓޯ
4 ޖެނުއަރީ 2020 | ހޮނިހިރު 10:37މިއީ ކްއީން އެލިޒަބަތް އާއެކު ދެން އިނގިރޭސި ވިލާތުގެ ތަހުތު ވާރުތަވާނެ ތިން ބޭފުޅުން އެއްކޮށް ނަގާފައިވާ ފޮޓޯ އެއް ބަކިންހަމް ޕެލަސް އިން އާންމު ކުރި ދެވަނަ ފަހަރު
އިނގިރޭސި ރާނީ އާއި އެކަމަނާގެ ތިން ދަރިކަލުންނާއެކު
އިނގިރޭސި ރާނީ އެލިޒަބަތް އާއި ދަރިފުޅު ޕްރިންސް ޗާލްސް އަދި މާމަ ދަރިފުޅު ޕްރިންސް ވިލިއަމް އާއި މުނި މާމަ ދަރިފުޅު ޕްރިންސް ޖޯޖް އާއެކު ނަގާފައިވާ ތާރީޚީ ޝާހީ ގަނޑުވަރު ބަކިންހަމް ޕެލަސް އިން އާންމުކޮށްފި އެވެ.
މިއީ ކްއީން އެލިޒަބަތް އާއެކު ދެން އިނގިރޭސި ވިލާތުގެ ތަހުތު ވާރުތަވާނެ ތިން ބޭފުޅުން އެއްކޮށް ނަގާފައިވާ ފޮޓޯ އެއް ބަކިންހަމް ޕެލަސް އިން އާންމު ކުރި ދެވަނަ ފަހަރެވެ.
މިފަހަރު ނެގި ފޮޓޯގައި ރާނީ އެލިޒަބަތް ތުރުކުރައްވައިގެން ހުންނެވީ ހުދު ކުލައިގެ ހެދުމެކެވެ. އަދި ޕްރިންސް ޗާލްސް އާއި ވިލިއަމް ތުރުކުރައްވައިގެން ތިއްބެވީ ސުއިޓެވެ. ޕްރިންސް ޖޯޖު ހުންނެވީ ހުދު ގަމީހެއް ތުރު ކުރައްވައިގެންނެވެ.
މީގެކުރިން ނަގާފައިވާ ފޮޓޯ އާންމުކޮށްފައިވަނީ 2016 ވަނަ އަހަރުގެ އޭޕްރީލްމަހު ރާނީގެ 90 ވަނަ އުފަންދުވަހާ ދިމާކޮށެވެ.
އިނގިރޭސި ރާނީކަމުގައި މިހާރު އިންނެވި އެލިޒެބަތް ދޭއް އަކީ އިނގެރޭސިވިލާތުގެ ރަސްކަމުގެ ތަހުތުގައި އެންމެ ގިނަ ދުވަސް ވަންދެން އިންނެވި ބޭފުޅާއެވެ. އެކަމަނާ ތަހުތައް އިސްކުރެވުނީ 1952 ވަނަ އަހަރުގެ ފެބްރުއަރީގަ އެވެ.
