އައު އަހަރާ ދިމާކޮށް އައްޑޫ ސިޓީގައި ހިންގި އޮޕަރޭޝަނުގަ 13 މީހުން ހައްޔަރުކޮށްފި
1 ޖެނުއަރީ 2020 | ބުދަ 10:51ފިހާރައަކަށް ގެއްލުންދިން މީހަކު ކޯޓު އަމުރެއްގެ ދަށުން ހައްޔަރުކޮށްފައިވޭ
ރާ ކައްކަން ތައްޔާރުކޮށްފައި ހުރި ތަނެއް
އައު އަހަރާ ދިމާކޮށް އައްޑޫ ސިޓީ ޕޮލިހުން ހިންގި އޮޕަރޭޝަންގައި އައްޑޫ ސިޓީން 13 މީހަކު ހައްޔަރުކޮށްފިއެވެ.
ފުލުހުން ބުނީ އައު އަހަރު އޮޕަރޭޝަން އައްޑޫ ސިޓި ޕޮލިހުން ފެށީ ޑިސެންބަރުމަހުގެ 31 ވަނަ ދުވަހު ކަމަށެވެ. އެ ދުވަހުގެ ހެނދުނުން ފެށިގެން ކުރިއަށް ގެންދިޔަ އޮޕަރޭޝަނުގެ ތެރެއިން ހިތަދޫ ވަލުތެރެއިންނާ އަދި ފަޅު ގެއަކުން ރާ ކައްކަން ތައްޔާރުކޮށްފައިވާ 03 ތަނެއް، ތަކެއްޗާއެކު ހޯދާފައިވާ ކަމަށް ފުލުހުން ބުނެއެވެ. އަދި ކައްކާފައި ހުރި 500 އެމްއެލްގެ 12 ފުޅި އާއި، 5 ލީޓަރު 01 ފުޅި ހޯދާފައިވާ ކަމަށް ފުލުހުން މައުލޫމާތުދެއެވެ.
މީގެ އިތުރުން ފުލުހުން ބުނީ ރަށުތެރޭގައި އަމާންކަން ގެއްލޭ ގޮތަށް އުޅުނު 13 މީހަކު ހައްޔަރުކޮށްފައިވާ ކަމަށާއި، ހިތަދޫގެ ފިހާރައަކަށް ގެއްލުންދިން މީހަކު ކޯޓު ޢަމުރެއްގެ ދަށުން ހައްޔަރުކޮށްފައިވާ ކަމަށެވެ.
މިމައްސަލަތައް އިތުރަށް ތަހުޤީޤު ކުރަމުންދާ ކަމަށް ފުލުހުން މައުލޫމާތުދެއެވެ.
ފުލުހުން ބުނީ ހިތަދޫ ބަނދަރު ޞަރަޙައްދުގައި އައްޑޫ ފްރެންޑްސްގެ ފަރާތުން ހަވީރު 16:00 ގައި ބޭއްވި ކުޑަކުދިންގެ ހަވީރުގައި ކުޑަކުދިންނަށް ޚާއްޞަ ބައެއް ޙަރަކާތްތައް ހިންގުމުގައި ފުލުހުން ވެސް ބައިވެރިވެފައިވާ ކަމަށެވެ. އަދި ރޭގަނޑު އޮތް ޝޯވ އަށް ސެކިއުރިޓީ ފޯރުކޮށްދީފައިވާ ކަމަށް ވެސް ފުލުހުން މައުލޫމާތުދެއެވެ.
