އެންމެ އުފާވެރި ގައުމު، ޑެންމާކު ވައްޓާލުމަށްފަހު ނޯވޭއަށް

އެންމެ އުފާވެރި ގައުމުގެ ލިސްޓުގެ އެއްވަނައިގައި އޮތް ޑެންމާކް ވައްޓާލުމަށްފަހު އެލިސްޓުގެ އެންމެ ކުރި ނޯވޭ އަރައިފިކަމަށް އދގެ ރިޕޯޓަކުން ބުނެފިއެވެ.

ދުނިޔޭގެ އެންމެ އުފާވެރި ގައުމު މިން ކުރަނީ ރައްޔިތުންގެ ދުޅަހެޔޮކަމާއި އުފާވެެރިކަމާއި އޭގެ ސަބަބުތަކުގެ މައްޗަށް ބަލައިގެންނެވެ.

ޑެންމާކް، އައިސްލޭންޑް، ސްވިޒަލޭޑް، އަދި ފިންލޭންޑް ލިސްޓުގެ އެންމެ ކުރީގައި އުޅޭއިރު އެންމެ ފުލުގައި އޮތީ ސެންޓްރަލް އެފްރިކަން ރިޕަބްލިކެވެ.

ހުޅަނގު ޔޫރަޕާއި އުތުރު އެމެރިކާ ލިސްޓުގެ ކުރީގެ ގިނަ ޖާގަތައް ހޯދާފައިވާ އިރު އެމެރިކާ އޮތީ 14 ވަނައިގައެވެ. އަދި އިނގިރޭސިވިލާތް އޮތީ 19 ވަނައިގައެވެ.

ސަބްސަހާރަން އެފްރިކާގެ ގައުމުތަކާއި ހަމަނުޖެހުމުގެ ތެރޭއި އޮތް ގައުމުތަށް އޮތީ ލިސްޓުގެ ފަތުގައެވެ. 155 ގައުމު ހިމެނޭ މި ލިސްޓްގައި ސީރިޔާ އޮތީ 152 ވަނައިގައެވެ.

އިންތިހާ ދަރަޖައިގެ ބަނޑުހައި ހޫނުކަން ކުރިމަތިވަމުންދާ ޔަމަނާއި ދެކުނު ސޫދާން އައިސްފައިވަނީ 146 އަދި 147 އަށެވެ.

ވޯލްޑް ހެޕިނަސް ރިިޕޯޓް ނެރުނު ދުވަސް އިއްތިފާގުން ދިމާވެފައިވަނީ އިންޓަރނޭޝަނަލް ޑޭ އޮފް ހެޕިނެސް ފާހަގަކުރާ މި މާޗް މަހުގެ 20 ވަނަ ދުވަހާއެވެ.

ރިޕޯޓް ބިނާވެގެންދަނީ 150 އަށްވުރެ ގިނަ ގައުމުން 1،000 އަށްވުރެ ގިނަ މީހުންނާ ސުވާލު ކުުރެވިގެންނެވެ.

ވާލްޑް ހެފިނަސް ރިޕޯޓުގައި ދިވެހިރާއްޖެ ހިމެނިފައެއް ނުވެއެވެ.