"ޔޭ ހޭ މޮހައްބަތޭން" ގެ ތަރި ރަމަންގެ ދަރީގެ ފޮޓޯ އާންމުކޮށްފި

ސްޓާ ޕްލަސްއިން ދައްކަމުން އަންނަ އެންމެ ކާމިޔާބު އަދި އެންމެ ދުވަސްވީ އެއް ސީރީޒް ކަމަށްވާ "ޔޭ ހޭނ މުހައްބަތޭން" ގެ ލީޑް އެކްޓަރު ކަރަން ޕަޓޭލްގެ ފުރަތަމަ ދަރިފުޅުގެ ފޮޓޯ ޢާންމުކޮށްފިއެވެ.

އަޞްލު ނަމުން ނަމަ ކަރަން ޕަޓޭލް އިންސްޓަގްރާމުގަ ޕޯސްޓްކޮށްފައިވާ ފޮޓޮއިން ސާފުކޮށް ދަރިފުޅުގެ މޫނެއް ނުފެނެއެވެ. ދަރިފުޅުގެ އަރިމައްޗަށްވާ ގޮތައް ނަގާފައިވާ އެފޮޓޮއަށް ގިނަ ބައެއްގެ ސަމާލުކަން ލިބިފައިވާކަމަށް ބޮލީވުޑުގެ ޚަބަރު ފަތުރާ އިންޑިއާގެ މަޖައްލާތަކުގައި ލިޔެފައިވެއެވެ.

ކަރަންއާ އޭނާގެ އަންހެނުން، އަންކިތާ ބަރްގަވާއަށް އަންހެން ދަރިއަކު ލިބުނީ ޑިސެންބަރު މަހުގެ 14 ވަނަ ދުވަހުއެވެ.

މިދިޔަ އަހަރުގެ ޖޫން މަހުވެސް ކަރަންގެ އަންހެނުން މާބަނޑުވި ނަމަވެސް ފަހުން ވަނީ ބައިގެން ގޮސްފައެވެ. ކަރަންގެ ސްޕޯކްސްޕާރަސަން ވަނީ އެދުވަސް ތަކަކީ ދެމީހުންނަށް ވެސް އުނދަގޫ ދުވަސްތަކެއް ކަމަށާއި އެކަމުން އަރައިގަންނަން ދުވަސްކޮޅެއް ނަގާނެ ކަމަށް ބުނެފައެވެ. އަދި އެ ދެމީހުން އެކަމުން އަރައިގަތުމަށް މަސައްކަތްކުރަމުންދާއިރު، ހަމަޖެހިލުމަށް ދުވަސްކޮޅެއް ދިނުމަށް ފޭނުންގެ ކިބައިން އޭނާ ވަނީ އެދިފައެވެ.

ފުރަތަމަ ކުއްޖާ ބައިގެން ދިއުމުގެ ކުރިން ކަރަން ވަނީ ބޮމްބޭ ޓައިމްސް އަށް ދިން އިންޓަވިއުއެއްގައި އޭނާ ބައްޕައަކަށް ވާތީ އެކަމާއި ވަރަށް ބޮޑަށް "އެކްސައިޓް" ވެފައި ހުރި ކަމަށް ބުނެފައެވެ.

ޔޭހޭ މޮހައްބަތޭންގައި ރަމަންގެ ރޯލުން ފެނިގެންދާ ކަރަން ،އަންކީތާ އާއި ކައިވެނި ކޮށްފައިވަނީ 2015 ވަނަ އަހަރުއެވެ.