ކެޓްރީނާ އާއި ގައްޒާފީ އެކުގައި ނަގާފައިވާ ފޮޓޯ ވައިރަލް ވެއްޖެ
އެއީ މީގެ 15 އަހަރު ކުރިން ނަގާފައިވާ ފޮޓޯއެއް
ކެޓްރީނާ އާއި ގައްޒާފީ އަދި އިންޑިއާގެ ބައެއް މޮޑެލުން
ލީބިއާގެ ކުރީގެ ރައީސް މުއައްމަރުލް ގައްޒާފީ އާއި ބޮލީވުޑްގެ ތަރި ކެޓްރީނާ ކައިފް އެކީގައި ނަގާފައިވާ ފޮޓޯއެއް ވައިރަލް ވެއްޖެއެވެ.
ބޮލީވުޑްމޯރ އިން އިންސްޓަގްރާމަށް ލާފައިވާ ފޮޓޯއެއްގެ ކެޕްޝަންގައި ޖަހާފައިވަނީ އެއީ މީގެ 15 އަހަރު ކުރިން ލީބިއާގައި ނަގާފައިވާ ފޮޓޯއެއް ކަމަށެވެ. އަދި އެއީ ފެޝަން ޝޯއެއްގައި ނަގާފައިވާ ފޮޓޯއެއް ކަމަށް ބުނެފައި ވެއެވެ.
މި ފޮޓޯއަކީ ކެޓްރީނާ މޮޑެލް ކުރުމަށް ލީބިއާ އަށް ކުރި ފެޝަން ދަތުރެއްގެ ތެރޭގައި ނަގާފައިވާ ފޮޓޯއެކެވެ.
މި ފޮޓޯގައި ގައްޒާފީ އިށީނދެވަޑައިގެން އިންނަވަނީ އިންޑިއާގެ މޮޑެލުންތަކަކާ އެކީގައެވެ.
އެ ފޮޓޯގައި ކެޓްރީނާއާ އެކު ދެން ތިބީ ޝަމިސްތާ އާއި ބަތަލާ ނީހާ ދޫޕިއާ، އަދިތީ ގޮވިތުރުކާރް އަދި އާޗަލް ކުމާރެވެ.
ހުދުމުހުތާރު ވެރިއެއްގެ ގޮތުގައި ދުނިޔެއަށް މަޝްހޫރު ގައްޒާފީ އަވަހާރަކޮށްލާފައި ވަނީ އޮކްޓޯބަރ 20، 2011 ގައެވެ.
