ސްވިޑަންގެ ކުރީގެ ގައުމީ ޓީމުގެ ކެޕްޓަން އަދި މެންޗެސްޓަރ ޔުނައިޓެޑްގެ ކުރީގެ ކުޅުންތެރިޔާ ޒަލަޓަން އިބްރަހިމޮވިޗް އެނބުރި މިލާނާއި ގުޅިއްޖެއެވެ.

38 އަހަރުގެ އިބްރަހިމޮވިޗް މިލާނަށް ބަދަލުވާއިރު އޭނާ މިހާރު ކުޅެމުން އަންނަނީ އެމެރިކާގެ އެލްއޭ ގެލެކްސީއަށެވެ.

އިޓަލީގެ ނޫސްތަކުން ބުނީ އިބްރަހިމޮވިޗް އެނބުރި މިލާނަށް އަންނަނީ ހަމަސް ދުވަހުގެ އެގްރިމެންޓެއްގެ ދަށުން ކަމަށާއި އޭނާ ޖެނުވަރީގައި މިލާނާއެކު އެއްބަސްވުމުގައި ސޮއި ކުރާނެ ކަމަށެވެ.

މިލާނަށް ބަދަލުވާކަން އިއުލާން ކުރަމުން އިބްރަހިމޮވިޗް ބުނީ މިލާނާއި އަލުން ގުޅެން ކެތްމަދުވެފައި ހުރިކަމަށާއި މިލާނަކީ އޭނާގެ ކެރިޔަރުގެ އެންމެ ކާމިޔާބު ދުވަސްތައް ހޭދަކުރި ކްލަބުކަމަށެވެ.

މިލާނަށް އިބްރަހިމޮވިޗް މީގެ ކުރިން ކުޅެފައިވާއިރު އޭނާވަނީ މިލާން ޖާޒީގައި ކުޅުނު 61 މެޗުން 42 ލަނޑު އެޓީމަށް ކާމިޔާބުކޮށްދީފައެވެ.

1999 ވަނަ އަހަރު ސްވިޑަންގެ މަލަމޯ އެފްއެފް އިން ކެރިޔަރު ފެށި އިބްރަހިމޮވިޗް ވަނީ ނެދަރލޭންޑްސްގެ އަޔެކްސް، އިޓަލީގެ ޔުވެންޓަރސް، ސްޕެއިންގެ ބާސެލޯނާ، ފްރާންސްގެ ޕެރިސް ސެއިންޓް ޖާމަން އަދި އިނގިރޭސިވިލާތުގެ މެންޗެސްޓަރ ޔުނައިޓެޑަށް ކުޅެދީފައެވެ. އޭނާގެ ކެރިޔަރުގައި މިހާތަނަށް ކުޅުނު 788 މެޗުން 474 ލަނޑު އެޓީމަށް ކާމިޔާބުކޮށްދީފައެވެ.

ސްވިޑެންގެ ގައުމީ ޓީމަށް 2001 ވަނަ އަހަރުން ފެށިގެން 2016 ގެނިޔަލަށް މެދު ކެނޑުމެއްނެތި އިބްރަހިމޮވިޗް ކުޅެދިންއިރު އޭނާ ވަނީ ގައުމީ ޓީމަށް ކުޅެދިން 116 މެޗުން 62 ލަނޑު ކާމިޔާބުކޮށްފައެވެ.