ހޮނިހިރު 17 އޯގަސްޓު 2019
07 މާ
1440 ޒުލްޙައްޖު 15
ފަތިސް 04:48
އިރުއަރާ 06:01
މެންދުރު 12:14
އަސްރު 15:28
މަޣްރިބް 18:19
އިޝާ 19:33
ކުޅިވަރު - ފުޓުބޯޅަ

އުމުރުން 41 އަހަރުގައި ވެރޯން އެނބުރި ކުޅުމުގެ ތެރެއަށް

ލީވާން އަލީ
MrLeevaan

ކ. މާލެ 4 ޖެނުއަރީ 2017 | ބުދަ 16:12 1,922

އެސްޓުޑިއަންޓެސް އަށް ކުޅެން ވެރޯން އެއްބަސްވުމުގައި ސޮއިކުރަނީ - ގޫގުލް

މީގެ ދެ އަހަރު ކުރިން ކުޅުން ހުއްޓާލި މެންޗެސްޓާ ޔުނައިޓެޑުގެ ކުރީގެ މިޑްފީލްޑަރު ހުއާން ސެބަސްޓިއަން ވެރޮން އުމުރުން 41 އަހަރުގައި އަލުން ކުޅުމުގެ ތެރެއަށް އަންނަން ނިންމައިފި އެވެ.

 

ވެރޯން ކުޅެން ނިންމާފައިވަނީ އާޖެންޓީނާގެ ފުރަތަމަ ޑިވިޝަނުގެ އެސްޓުޑިއަންޓެސް އަށެވެ. ވެރޯން ވަނީ މީގެ ކުރިން ތިން ފަހަރެއްގެ މަތިން އެސްޓުޑިއަންޓެސް އަށް ކުޅެފަ އެވެ. އެހެންނަމަވެސް މިފަހަރު އޭނާ އެ ކްލަބަށް ކުޅެން ނިންމާފައިވަނީ އެއްވެސް އުޖޫރައަކާ ނުލަ އެވެ.

 

އެސްޓުޑިއަންޓެސްގެ ޗެއާމަންކަންވެސް ކުރަމުން އަންނަ ވެރޯން އެ ކްލަބަށް ކުޅެން އެއްބަސްވެފައިވަނީ 18 މަސްދުވަހުގެ މުއްދަތަކަށެވެ.

 

އޭނާ އެ ކްލަބުގެ ޖާޒީގައި ކުޅޭ ފުރަތަމަ މެޗުގައި ފްލޮރިޑާ ކަޕުގައި އަންނަ މަހުގެ 8 ވަނަ ދުވަހު ނިކުންނާނީ ބެޔާ ލެވަކޫސަންއާ ދެކޮޅަށެވެ. މީގެއިތުރުން އޭނާ އާޖެންޓީނާ ލީގު އަދި ދެކުނު އެމެރިކާގެ ކްލަބް މުބާރާތް ކަމަށްވާ ކޮޕަ ލިބެޓެޑޯރެސްގައި ވެސް ކުޅޭނެ އެވެ.

 

މެންޗެސްޓަރ ޔުނައިޓެޑާއެކީ ޕްރިމިއަރ ލީގު ކާމިޔާބުކޮށްފައިވާ، ވެރޯންއަކީ މީގެކުރިން ޗެލްސީ އާއި އިންޓަމިލާން އާއި ޕާމާ އަދި ލާޒިޔޯއަށް ވެސް ކުޅެފައިވާ ކުޅުންތެރިއެކެވެ. މީގެއިތުރުން އޭނާ ވަނީ އާޖެންޓީނާގެ ގައުމީ ޓީމަށްވެސް 73 މެޗު ކުޅެދީފައެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް