ހޮންގްކޮންގް މުޒާހަރާ ރޫޅާލުމަށް ކަރުނަ ގޭސް ޖަހާ، އެތައް އަނިޔާތަކެއް ކުރަނީ

ސަރުކާރާއި ދެކޮޅަށް ހޮންގްކޮންގުގައި ކުރަމުންދާ މުޒާހަރާގައި، މޯލްތަކާއި ވިޔަފާރިކުރާ ސަރަހައްދުތަކުގައި މުޒާހަރާގެ ބައިވެރިންނާއި އެ ގައުމުގެ ފުލުހުންނާއި ކުރިމަތިލުންތަކެއް ހިނގައިފިއެވެ.

ފުލުހުންވަނީ މުޒާހަރާގެ ބައިވެރިންނަށް ހަމަނުޖެހުން އުފެއްދުމަށް މަސައްކަތްކުރާކަމުގެ ތުހުމަތުތަކެއް ކޮށްފައެވެ.

އެހެންކަމުން ފުލުހުންވަނީ ކަރުނަގޭހާއި ޕެޕަރ ސްޕޭ މޭނުންކޮށް، މުގުރުބުރި ވެސް ބޭނުންކޮށްފައެވެ. މީގެއިތުރުން ވޯޓަރ ކެނަންސް ވެސް މުޒާހަރާ ރޫޅާލުމަށް ބޭނުންކޮށްފައިވެއެވެ.

މުޒާހަރާ ކުރަމުންދާ ރައްޔިތުން ދަނީ "ހޮންކޮންގް ހިއުމަންރައިޓްސް އެންޑް ޑިމޮކްރެސީ އެކްޓް" ގެ ގާނޫނެއް ފާސް ކުރުމަށް އެދި އެމެރިކާއަށް ގޮވާލަމުންނެވެ.

ޗައިނާއަށް ތާޢީދުކުރާ ފަރާތްތަކުން ހޮންގްކޮންގްގައި އިންސާނީ ހައްޤުތަކާ ޚިލާފަށް ފިޔަވަޅުތައް އަޅަމުންދާތީ އެކަން އެމެރިކާއަށް ހާމަކޮށްދީ، ހޮންގްކޮންގްގެ ރައްޔިތުންގެ އިންސާނީ ހައްޤުތައް ރައްކާތެރިކޮށް ޙިމާޔަތްކުރުމުގައި އެމެރިކާ ސަރުކާރުގެ އެހީ ހޯދުމަށް ހޮންކޮންގްގެ ރައްޔިތުން ދަނީ މުޒާހަރާ ކުރަމުންނެވެ.

ހޮންގްކޮންގްގައި މި އަހަރުގެ ކުރީކޮޅު މުޒާހަރާކުރަން ފެށީ އެ ރަށުގައި ޖިނާޢީ ކުށްކުރާ ފަރާތްތަކުގެ ޝަރީޢަތްތައް ޗައިނާގައި ހިންގުމަށް ގޮވާލާ ބިލެއް ހޮންގްކޮންގްގެ ސަރުކާރުން ފާސްކުރުމަށް މަސައްކަތް ކުރުމާއި ގުޅިގެންނެވެ. އަދި ޚިޔާލު ތަފާތުވުން އުފެދުމުގެ ސަބަބުން ހޮންގްކޮންގްގެ ސަރުކާރުން މި ބިލް އަނބުރާ ގެންދިޔަ ނަމަވެސް ހޮންކޮންގެ ސަރުކާރާއި ދެކޮޅަށް މުޒާހަރާތައް ދަނީ ކުރިއަށެވެ.