ކަޒިކިސްތާނުގެ އަލްމަޓީ އިންޓަނޭޝަނަލް އެއާޕޯޓު ކައިރިއަށް މަތިންދާ ބޯޓެއްވެއްޓި 14 މީހުން މަރުވެއްޖެއެވެ.

ކަޒިކިސްތާނުގެ ސިވިލް އޭވިއޭޝަނުން ބުނީ އެގައުމުގެ އެއާލައިންއެއް ކަމަށްވާ ބެކް އެއާގެ އެ ބޯޓު ވެއްޓުނީ އެގައުމުގެ ސިޓީއެއް ކަމަށްވާ އަލްމަޓީއިން ވެރިރަށް އާސްތާނާއަށް ދަރުކުރަމުންދަނިކޮށް ކަމަށާއި އެ ބޯޓު އުދުއްސާލިތާ މާގިނައިރުތަކެއްނުވެ ވެއްޓިފައިވާ ކަމަށެވެ.

މީގެއިތުރުން ކަޒިކިސްތާނުގެ ސިވިލް އޭވިއޭޝަނުން ބުނީ ބޯޓު ވެއްޓުނުއިރު ބޯޓުގައިތިބީ 100 މީހުން ކަމަށާއި އޭގެތެރެއިން 14 މީހުން މަރުވެ 60 އަށްވުރެ، ގިނަ މީހުންއަށް އަނިޔާވެފައިވާކަމަށެވެ. މަރުވި މީހުންގެ ތެރޭގައި 6 ކުޑަކުދިން ހިމެނޭއިރު އަނިޔާވި މީހުންނަށް މިހާރު އަންނަނީ ހޮސްޕިޓަލުގައި ފަރުވާދެމުންނެވެ.

ކަޒިކިސްތާނު ސަރުކާރުން ވަނީ ހާދިޝާ ހިގަންމެދުވެރިވި ސަބަބު ބަލަން ހާއްސަ ކޮމިޝަނެއް އުފައްދައިފައެވެ. އަދި ކަޒިކިސްތާނު ސަރުކާރުން ވަނީ ހާދިޝާ ހިގަން މެދުވެރިވި ސަބަބު ބަލާ އިހުމާލުވެފައިވާނަމަ އެފަރާތަކަށް ފިޔަވަޅު އަޅާނެކަމަށެވެ.

ކަޒަކިސްތާނުގެ ބެކް އެއާލައިނަށް ނިސްބަތްވާ މި ބޯޓު ވެއްޓުނު ސަރަޙައްދުގައި އޮފިޝަލުން ހަރަކާތްތެރިވަމުންދާއިރު، ފްލައިޓު ވެއްޓުނު ސަރަޙައްދުގައި އަލިފާނުގެ އަސަރެއް ނެތް ކަމަށް އެ ޤައުމުގެ ނޫސްތަކުން ރިޕޯޓް ކޮށްފައިވެއެވެ