ބްރެޒިލްގެ ވަޒަންވެރިން ދަނޑުވެރިކަމުގެ ތެރެއަށް ވަންނަނީ
އެމެޒޯން ޖަންގަލީގައި %13 ވަނީ އާންމު މީހުންނާއި ވަކިން ދިރިއުޅޭ މީހުންނަށް ޚާއްސަކޮށްފައި
ދަނޑުވެރިކަން ކުރާ ސަރަހައްދެއް
ބްރެޒިލްގެ އަޞްލު ވަޒަންވެރިން ދަނޑުވެރިކަމުގެ ތެރެއަށް ވަންނަން މަސައްކަތް ކުރާ ކަމަށް ރިޕޯޓުތަކުން ބުނެފިއެވެ.
އަލްޖަޒީރާގައި ރިޕޯޓުކޮށްފައިވާ ގޮތުގައި ބްރެޒިލްގެ އެމޭޒަން ޖަންގަލީގެ %13 ޞަރަޙައްދަކީ ޢާންމު މީހުންނާ އެކަހެރިކޮށް އުޅެންބޭނުންވާ މީހުން ދިރިއުޅުމަށް ޚާއްސަކޮށްފައި އޮންނަ ޞަރަޙައްދެކެވެ. އަދި ގަސްކެނޑުމާއި، ދަނޑުވެރިކަމަށް މީގެން އެއްވެސް ހިސާބެއްގެ ބިން ބޭނުން ކުރުމަކީ މަނާ ކަމެއް ކަމެކެވެ.
ނަމަވެސް މިހާރުގެ ރައީސް ޖެއަރ ބޮލްސޮނާރޯ އެމޭޒަންގެ ޖަންގަލީގެ މިގޮތަށް ބާރު ނުފޯރުވާ ހުރި ބިންތައް ވެސް ވިޔަފާރީގެ ބޭނުމަށް ހޯދުމަށް މަސައްކަތް ކުރަމުން އަންނަ ކަމަށް އަލްޖަޒީރާގައި ރިޕޯޓުކޮށްފައިވެއެވެ. އެހެންކަމުން މިހާރު މި ހިސާބުތަކުގަ އުޅޭ އަޞްލު ރަށްވެހިން އަންނަނީ ދަނޑުވެރިކަމަށް މިހެން ނަގާ ބިންތަކުގެ ވަކި މިންވަރެއް ދަނޑުވެރިކަން ކުރުމަށް ދިނުމަށް ވަކާލާތު ކުރަމުންނެވެ.
އެމޭޒަން ޖަންގައްޔަކީ ދުނިޔެ ހޫނުވުން ދުރުކޮށްދިނުމުގައި މުހިންމު ދައުރެއް އަދާކުރާ ޞަރަޙައްދެކެވެ. އެމޭޒަން ޞަރަޙައްދަކީ ދުނިޔޭގެ ފުއްޕާމޭ ކަމަށް ލޭބަލް ވެފައިވާ ޞަރަޙައްދަށްވާއިރު، ދުނިޔެއަށް ބޭނުންވާ 20 އިންސައްތަ އޮކްސިޖަން އުފައްދަނީ އެ ޞަރަޙައްދުންނެވެ.
