ބުރާސްފަތި 22 އޮކްޓޯބަރ 2020
05 ހެއި
1442 ރަބީއުލް އައްވަލް 05
ފަތިސް 04:37
އިރުއަރާ 05:49
މެންދުރު 11:55
އަސްރު 15:11
އިރުއޮއްސޭ 17:53
އިޝާ 19:05
ޕްޓްރޮބްރާސްގެ ކޮރަޕްޝަން

ބްރެޒިލްގެ ކުރީގެ ރައީސް ލޫލާ ކޯޓަށް ހާޒިރުކޮށްފި

  • ލޫލާ ވިދާޅުވެފައިވަނީ އެއީ ސިޔާސީ ދައުވާއެއްކަމަށް
  • މި ދައުވާ ސާބިތުވެއްޖެނަމަ އޭނާގެ މައްޗަށް ޖަލު ހުކުމެއް އަންނާނެ

ކ. މާލެ | 11 މެއި 2017 | ބުރާސްފަތި 05:22 | 1,282

2003ން 2010 އަށް ލޫލާ ވެރިކަން ކުރައްވާފައިވާއިރު އޭނާ ފާހަގަ ކުރެވިފައިވަނީ ވެރިކަމުގެ ދުވަސްވަރު މަގުބޫލު ބޭފުޅެއްގެ ގޮތުގައި - ގޫގުލް

ބްރެޒިލްގެ ކުރީގެ ރައީސް ލުއިޒް އިނާޝިއޯ ލޫލާ ޑަ ސިލްވާ އެ ގައުމުގެ ސިޓީއެއްކަމަށްވާ ކުރުޗީބާގެ ކޯޓަށް ހާޒިރުކޮށް އެ ގައުމުގެ އެންމެ އިސް އެންޓިކޮރަޕްޝަން ފަނޑިޔާރުގެ ކުރިފުޅުމަތީގައި ހެކިބަސް ނަގައިފިއެވެ.

 

ލޫލާގެ މައްޗަށް ކުރެވުނު ދައުވަތަކުގެ ތެރެއިން ފުރަތަމަ ފަސް ދައުވާއަކީ އެ ގައުމުގެ ސިޔާސީ އެތައް ލީޑަރުންނެއްގެ މައްޗަށް އެ މައްސަލައެއްގައި ތުހުމަތު ކުރެވުނު، ދައުލަތުގެ ތެޔޮ ކުންފުނި ޕެޓްރޮބްރާސްގެ ކޮރަޕްޝަނުގެ މައްސަލައެވެ.

 

ކުރީގެ ރައީސްގެ މައްޗަށް ތުހުމަތު ކުރެވުނީ ކޮންސްޓްރަކްޝަން ފާމެއްގެ އަތުން ރިޝްވަތުގެ ގޮތުގައި ބީޗްފްރޮންޓް އެޕާޓްމަންޓެއްނެގުމެވެ. ނަމަވެސް އެފަދަ އެއްވެސް ކަމެއް ކުރައްވާފައި ނުވާނެ ކަމަށް ލޫލާ ވިދާޅުވެއެވެ.

 

އޭނާ ކޯޓަށް ހާޒިރުވެ ވަޑައިގެންނެވުމުގެ އެތައް ގަޑިއިރެއް ކުރިން އޭނާއަށް ތާއީދުކުރާ ފަރާތްތަކުން ވަނީ ބަސްތަކުގައި އެ ސިޓީއަށް އައިސް ކޯޓް އިމާރާތާ މަދު ކިލޯމީޓަރުތަކެއް ދުރުގައި ކޭމްޕްކޮށްފައެވެ.

 

މި ދައުވާ ސާބިތުވެއްޖެނަމަ އޭނާގެ މައްޗަށް ޖަލު ހުކުމެއް އަންނާނެއެވެ.

 

މި ދައުވާތަކުން ސަލާމަތްވެ ވަޑައިގެންފި ނަމަ އޭނާ ވެގެންދާނީ އަންނަ އަހަރު ބާއްވާ ރިޔާސީ އިންތިޚާބުގައި އެންމެ ކުރިއަށް ވާދަކުރައްވާނެ ކެނޑިޑޭޓަށެވެ.

 

އޭނާ ވިދާޅުވެފައިވަނީ އެއީ ސިޔާސީ ދައުވާއެއްކަމަށެވެ.

ބްރެޒިލްގައި 2003ން 2010 އަށް ލޫލާ ވެރިކަން ކުރައްވާފައިވާއިރު އޭނާ ފާހަގަ ކުރެވިފައިވަނީ ވެރިކަމުގެ ދުވަސްވަރު މަގުބޫލު ބޭފުޅެއްގެ ގޮތުގައެވެ.

ދަގަނޑުގެ މަސައްކަތުގައި އުޅުއްވުމަށްފަހު ޔޫނިއަން ލީޑަރަކަށް ވެވަޑައިގެން އޭގެ ފަހުން ވެރިކަމަށް ވަޑައިގެންފައިވާއިރު އެ މަނިކުފާނު ފާހަގަ ކުރެވިގެން ގޮސްފައިވަނީ ބައިގަރުނެއްހާ ދުވަހުގެ ތެރޭގައި ވާތުފިޔައިގެ ލީޑަރެއްގެ ގޮތުގައި ވެރިކަމަށް ވަޑައިގެންނެވި ފުރަތަމަ ލީޑަރުގެ ގޮތުގައެވެ.

ޖެހިޖެހިގެން ތިންވަނަ ދައުރަކަށް ކުރިމަތި ނުލެއްވޭތީ ލޫލާގެ ދެވަނަ ދައުރަށްފަހު ކުރިމަތިލެއްވީ އަރިސް ބޭފުޅެއްކަމަށްވާ ދިލްމާ ރުސެފްއެވެ.

އެންމެ ފަހުން އަޕްޑޭޓް ކުރީ: 7 މަސް ކުރިން | ރިވިއު ކުރީ: އަހުމަދު ފައިރޫޒު

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.