ކ. މާލެ
|
12 ޖުލައި 2017 | ބުދަ 22:33
ބްރެޒިލްގެ ކުރީގެ ރައީސް ލުއިސް އިނާޝިއޯ ލޫލާ ޑަ ސިލްވާ
ބްރެޒިލްގެ ކުރީގެ ރައީސް ލުއިސް އިނާޝިއޯ ލޫލާ ޑަ ސިލްވާ
އޭޕީ
ލޫލާގެ ކޮރަޕްޝަން
ބްރެޒިލްގެ ކުރީގެ ރައީސް ލޫލާގެ މައްޗަށް ކޮރަޕްޝަނުގެ ކުށް ސާބިތުވާކަމަށް ކަނޑައަޅައިފި
 
އިސްތިއުނާފް ކުރުމުގެ ހައްގާއެކު މިނިވަންކޮށް
 
ނުވަ އަހަރާ ބައިގެ މުއްދަތަށް ޖަލަށްލުމަށް
 
އެ މަނިކުފާނު ވިދާޅުވެފައިވަނީ ޝަރީއަތުގައި ސިޔާސީ ކުލަ ޖެހިފައިވާ ކަމަށް

ބްރެޒިލްގެ ކުރީގެ ރައީސް ލުއިސް އިނާޝިއޯ ލޫލާ ޑަ ސިލްވާގެ މައްޗަށް ކޮރަޕްޝަނުގެ ކުށް ސާބިތުވާކަމަށް ކަނޑައަޅައި، ނުވަ އަހަރާ ބައިގެ މުއްދަތަށް ޖަލަށްލާން ނިންމާފައިވާކަމަށް ކޯޓުގެ ލިޔުންތަކުން ދައްކައިފިއެވެ.

އެނގިފައިވާ ގޮތުގައި އިސްތިއުނާފް ކުރުމުގެ ހައްގާއެކު އެމަނިކުފާނު ހުންނަވާނީ މިނިވަންކޮށެވެ.

ދައުލަތުގެ ތެޔޮ ކުންފުނި ޕެޓްރޮބްރާސް ޚިޔާނާތާ ގުޅުންހުރި ގޮތަކަށް އެ މަނިކުފާނަށް ފްލެޓެއް ލިބިވަޑައިގެންފައިވާކަމަށް ބުނާ ވާހަކަ ލޫލާ ދޮގުކުރައްވައެވެ.

އެ މަނިކުފާނު ވިދާޅުވެފައިވަނީ އެ ޝަރީއަތަކީ ސިޔާސީ ކުލަ ޖެހިފައިވާ ޝަރީއަތެއްކަމަށާއި އެއްވެސް ކަމެއް ގޯހުން ކުރައްވާފައި ނުވާނެކަމަށެވެ.

ލޫލާގެ މައްޗަށް ކުރެވުނު ދައުވަތަކުގެ ތެރެއިން ފުރަތަމަ ފަސް ދައުވާއަކީ އެ ގައުމުގެ ސިޔާސީ އެތައް ލީޑަރުންނެއްގެ މައްޗަށް އެ މައްސަލައެއްގައި ތުހުމަތު ކުރެވުނު، ދައުލަތުގެ ތެޔޮ ކުންފުނި ޕެޓްރޮބްރާސްގެ ކޮރަޕްޝަނުގެ މައްސަލައެވެ.

ކުރީގެ ރައީސްގެ މައްޗަށް ތުހުމަތު ކުރެވުނީ ކޮންސްޓްރަކްޝަން ފާމެއްގެ އަތުން ރިޝްވަތުގެ ގޮތުގައި ބީޗްފްރޮންޓް އެޕާޓްމަންޓެއްނެގުމެވެ. ނަމަވެސް އެފަދަ އެއްވެސް ކަމެއް ކުރައްވާފައި ނުވާނެ ކަމަށް ލޫލާ ވިދާޅުވެއެވެ.

ބްރެޒިލްގައި 2003ން 2010 އަށް ލޫލާ ވެރިކަން ކުރައްވާފައިވާއިރު އޭނާ ފާހަގަ ކުރެވިފައިވަނީ ވެރިކަމުގެ ދުވަސްވަރު މަގުބޫލު ބޭފުޅެއްގެ ގޮތުގައެވެ.

ދަގަނޑުގެ މަސައްކަތުގައި އުޅުއްވުމަށްފަހު ޔޫނިއަން ލީޑަރަކަށް ވެވަޑައިގެން އޭގެ ފަހުން ވެރިކަމަށް ވަޑައިގެންފައިވާއިރު އެ މަނިކުފާނު ފާހަގަ ކުރެވިގެން ގޮސްފައިވަނީ ބައިގަރުނެއްހާ ދުވަހުގެ ތެރޭގައި ވާތުފިޔައިގެ ލީޑަރެއްގެ ގޮތުގައި ވެރިކަމަށް ވަޑައިގެންނެވި ފުރަތަމަ ލީޑަރުގެ ގޮތުގައެވެ.

ޖެހިޖެހިގެން ތިންވަނަ ދައުރަކަށް ކުރިމަތި ނުލެއްވޭތީ ލޫލާގެ ދެވަނަ ދައުރަށްފަހު ކުރިމަތިލެއްވީ އަރިސް ބޭފުޅެއްކަމަށްވާ ދިލްމާ ރުސެފްއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަޒުމޫން އަހުމަދު
0%
0%
0%
0%
100%
0%
ކޮމެންޓް