ޏ.ފުވައްމުލަކު ހޮސްޕިޓަލްގައި ގާއިމުކޮށްފައިވާ ޑަޔަލިސަސް ޔުނިޓުން ފުރަތަމަ ފަހަރަށް ޑަޔަލިސަސް ޕޭޝަންޓަކަށް ފަރުވާދީފި އެވެ.

އެ ހޮސްޕިޓަލްގައި ގާއިމުކޮށްފައިވާ ޑަޔަލިސަސް ޔުނިޓް ހުޅުވާފައިވަނީ މިމަހުގެ 11 ވަނަ ދުވަހު އެވެ.

ފުވައްމުލަކު ހޮސްޕިޓަލުން ދުވާލަކު 150 އާއި 200 މީހުންނާ ދެމެދުގެ އަދަދަކަށް ޚިދުމަތް ހޯދައެވެ. މި ހޮސްޕިޓަލްގައި ގާއިމުކުރި ޑަޔަލިސަސް ޔުނިޓުން އެއް ފަހަރާ ތިން މީހުންނަށް ފަރުވާ ދެވޭނެ އެވެ.

މިސެންޓަރަށް އައްޑޫގައި މަސައްކަތްކުރާ ނެފްރޮލޮޖިސްޓް މަދުވެގެން ކޮންމެ ތިންމަހަކުން އެއްމަހުން ޒިޔާރާތްކޮށް ބަލިމީހުން ބައްލަވާގޮތައް ހަމަޖެހިފައިވާކަމަށް ހެލްތު މިނިސްޓްރީން ބުނެއެވެ.

މާލެ ސިޓީ ފިޔަވައި އަތޮޅުތެރޭގައި 7 ސަރަހައްދެއްގައި 60 މީހުންނަށް ޑައިލެސިސް ޚިދުމަތް ދެމުން ގެންދާކަމަށް ހެލްތު މިނިސްޓްރީން ބުނެއެވެ.