މުނި ހޯމްކެއަރ އިން "ޖަޒީރާ ރާއްޖެ" ތަށިމުށި ތައާރަފުކޮށްފި
24 ޑިސެމްބަރު 2019 | އަންގާރަ 03:33މި ތަށިމުށިތަކުގެ ތެރޭގައި ހިރިގަލާއި ތުނޑުކުނަލާއި ތެޅިގާ އަސްލަކަށް ބަލައިގެން ތައްޔާރުކޮށްފައިވާ ތަށިމުށި ހިމެނޭ
ޖަޒީރާ ރާއްޖެ ތަށިމުށި
ރިސޯޓްތަކާއި، ގެސްޓްހައުސްތަކާއި ހޯޓާ ރެސްޓޯރެންޓުތަކުން ފެށިގެންގޮސް އަމިއްލަ ގޭގައިވެސް ދިވެހިވަންތަ ގޮތެއް ޑިޒައިނަށް ގެނައުން މި ޒަމާނުގައި ހަމަގައިމުވެސް ވެފައި އޮންނާނީ ބުރަބޮޑު އަދި ކަވި މަސައްކަތަކަށެވެ.
އުވަ އާއި ތެޅިގަލުން ރާނާފައިވާ ޑިޒައިނެއް ގެންނަން ޖެހިއްޖެނަމަ ފަރުން ގާ ނަގައި އެކަމުގެ ފަންނީ މީހުން ގެނެސް ގިނަގުނަ މަސައްކަތްކަތެއް ކުރަން ޖެހެއެވެ. ތުނޑުކުނާ ޑިޒައިން ގެންނަ ނަމަ އެކަމަކީވެސް އެކަމުގެ ފަންނީ މީހުންނަށް ނޫނީ ކުރެވޭނެ ކަމަކަށް ނުވެއެވެ.
އެހެންނަމަވެސް މިކަމަށް މިހާރު މިވަނީ ޙައްލެއް ލިބިގެން ގޮސްފައެވެ. ރާއްޖޭގައި ފަރުނީޗަރާއި ގޭތެރެއަށް ބޭނުންވާ ގިނަ ސާމާނު ވިއްކާ މުނި ހޯމް ކެއަރ އިން ވަނީ "ޖަޒީރާ ރާއްޖެ" ނަމުގައި ދިވެހިވަންތަ ތަށިމުށިތަކެއް ރާއްޖެ ތަޢާރަފުކޮށްފައެވެ.
މި ތަށިމުށިތަކުގެ ތެރޭގައި ހިރިގަލާއި ތުނޑުކުނަލާއި ތެޅިގާ އަޞްލަކަށް ބަލައިގެން ތައްޔާރުކޮށްފައިވާ ތަށިމުށި ހިމެނެއެވެ. މިއީ ފާރުތަކަށް ދިވެހިވަންތަކަން ގެނެސްދޭނެ މުށިތަކަށް ހަމަ ޔަޤީނުންވެސް ވެގެންދާނެއެވެ.
ރާއްޖެއެމްވީއަށް މަޢުލޫމާތުދެމުން މުނި އެންޓަޕްރައިސަސް އިން ބުނީ ކުރިއަށް އޮތްތަނުގައިވެސް ދިވެހިވަންތަ ޑިޒައިންތަކުގެ ތަށިމުށި މާކެޓަށް ނެރުމުގެ މަސައްކަތް ކުރަމުން އަންނަ ކަމަށާއި މި ޑިޒައިންތަކަކީ ބުރަ މަސައްކަތް ކުރުމުގެ ބަދަލުގައި އަދި ރާއްޖޭގެ ނާޒުކު ތިމާވެއްޓަށް ގެއްލުން ދިނުމުގެ ބަދަލުގައި ބޭނުން ކުރެވިދާނެ ޙައްލެއް ކަމުގައި މުނި އެންޓަޕްރައިސަސް އިން ދެކޭ ކަމަށެވެ.
"ޖަޒީރާ ރާއްޖެ" ތަށިމުށި މުނި ހޯމްކެއަރގެ ލިވިން ސެންޓަރުން ލިބެން ހުންނާނެއެވެ.
