ރ އަތޮޅުގައި ހެދި ފައިވް ސްޓަރ ރިސޯޓް "ބްރެނިއާ ކޮއްޓެފަރު" އަންނަ މަހު ހުޅުވަން ތައްޔާރުވެއްޖެ އެވެ.
އަންނަ ޖެނުއަރީ މަހުގެ މެދު ތެރޭގައި ފަތުރުވެރިން އެރިސޯޓަށް އަންނަން ފަށާނެއެވެ. ނަމަވެސް އެރިސޯޓް ރަސްމީކޮށް ހުޅުވާނީ އަންނަ އަހަރުގެ މަރޗް މަހުގައި ކަމަށް ބްރެނިއާ ކޮއްޓެފަރު ރިސޯޓުން ބުނެއެވެ.
193 ވިލާ މިރިސޯޓްގައި ހުންނައިރު މީގެ ތެރޭގައި ބީޗް ވިލާއާއި އޯވަރ ވޯޓަރ ވިލަރ، ގާރޑެން ވިލާ، އަދި ޚާއްސަ ވިލާތަކެއްކަމަށްވާ "ބްރެނިއާ ރެސިޑެންސް ވިލާތައް ހިމެނެއެވެ. އަދި 84 ވޯޓަރ ވިލާވެސް ހިމެނެއެވެ.
ރިސޯޓުން ލިބެން ހުންނަ އިތުރު ޚިދުމަތްތަކަށް ބަލާއިރު ތަފާތު ކެއުންތަކަށް ޚާއްސަކޮށް ތިން ރެސްޓޯރެންޓެއް ރިސޯޓްގައި ހުރެއެވެ. ރެސްޓޯރެންޓްތަކުގެ އިތުރުން ފަތުރުވެރިންނަށް ޚާއްސަކޮށްގެން ރިސޯޓުގައި މޫދު ކުޅިވަރުގެ ޙަރަކާތްތަކާއި ޑައިވިން ސެންޓަރެއް ޤާއިމްކޮށްފައި ހުރިއިރު، ވޯޓަރ ސްޕޯޓްސް ސެންޓަރެއް ވެސް ރިސޯޓުގައި ޤާއިމްކޮށްފައިވެއެވެ.
އާއިލީ މަންޒިލެއްގެ ގޮތުގައި ތަރައްޤީ ކުރި ކޮއްޓެފަރަކީ ރ އަތޮޅުގައި ހުޅުވާ 13 ވަނަ ރިސޯޓެވެ. ރ އަތޮޅުގައި މިހާރުވެސް ފައިވް ސްޓަރ އަދި ސެވެން ސްޓާ ރިސޯޓްތައް ހިންގަމުންދެ އެވެ.
