ނޯރ ދަ މާސްޓާ އޮފް ސީޒަނިން މުބާރާތް ދުބާއީގައި ބާއްވަން ނިންމައިފި
ދުބާއީގައި ބާއްވާ މި މުބާރާތް ކުރިއަށްދާނީ 7 ދުވަހަށް
މި މުބާރާތަށް ހޮވުނު ޝެފް އަޙްމަދު ފަތީން
ނޯރ ދަ މާސްޓާ އޮފް ސީޒަނިން މުބާރާތް ދުބާއީގައި ބާއްވަން ނިންމައިފިއެވެ.
މި މުބާރާތް ބޭއްވުމަށް ހަމަޖެހިފައިވަނީ މިމަހު 17 އިން 23 ވަނަ ދުވަހާއި ހަމައަށެވެ.
މިއީ މާސްޓަރ އޮފް ސީޒަނިން މުބާރާތް ބާއްވާ ފުރަތަމަ ފަހަރެވެ. އަދި މި މުބާރަތުގައި މެދުއިރުމަތީގެ ނުވަ ޤައުމަކުން ބައިވެރިވާއިރު ކެއްކުމުގެ ދާއިރާގައި މަސައްކަތްކުރާ ޕްރޮފެޝަނަލް ޝެފުންވެސް މި މުބާރާތުގައި ބައިވެރިވާނެއެވެ.
ދިވެހިރާއްޖޭގެ ފަރާތުން މި މުބާރާތުގައި ބައިވެރިވުމަށް ހަމަޖެހިފައިވަނީ ބަނޑޮސް މޯލްޑިވްސްގައި މަސައްކަތްކުރާ ޝެފެއް ކަމަށްވާ އަޙްމަދު ފަތީންއަވެ. ފަތީން މި މުބާރާތަށް ހޮވިފައިވަނީ ރާއްޖޭގެ 9 ޝެފަކާއި ވާދަކުރުމަށްފަހުގަ އެވެ.
މި މުބާރާތަކީ ޔުނިލިވަރ ފުޑް ސޮލިއުޝަން އާއި ބެސްޓްބައި މޯލްޑިވްސް އިން އިންތިޒާމްކޮށްގެން ބާއްވާ މުބާރާތެކެވެ.
ބެސްޓްބައި މޯލްޑިވްސްގެ ސީއީއޯ މުހައްމަދު މަޒްލޫމް ވިދާޅުވީ ބީބީއެމްގެ ފަރާތުން މި ފުރުސަތު ހުޅުވާލީ ރާއްޖޭގެ ޝެފުންނަށް އެމީހުންގެ ކެއްކުމުގެ ހުނަރު އިތުރުކޮށްދީ ޕްރޮފެޝަނަލް ޝެފުންނާއި އެކު މަސައްކަތް ކުރުމުގެ ފުރުސަތު ހުޅުވާލުމުގެ ގޮތުން ކަމަށެވެ.
މި މުބާރާތުގައި ކާބޯތަކެތި ތައްޔާރުކުރަން ޖެހެނީ ބެސްޓް ބައި މޯލްޑިވްސް އިން ރާއްޖެ އެތެރެކޮށް ވިއްކާ ނޯރ ޕްރޮޑަކްޓްސް ބޭނުންކޮށްގެންނެވެ.
ދުބާއީގައި ބާއްވާ މި މުބާރާތް ކުރިއަށްދާނީ 7 ދުވަހުގެ މާސްޓަރ ކުލާހަކާއި، މިސްޓްރީ ބޮކްސް ޗެލެންޖަކާއެކުގައެވެ.
