އޮޅަހަލި އައިލެންޑް ރިސޯޓް މިއަންނަ އަހަރު ހުޅުވަނީ

އޮޅަހަލި އައިލެންޑް ރިސޯޓް މި އަންނަ އަހަރުގެ އޭޕްރީލް މަހު ހުޅުވަން ނިންމައިފިއެވެ.

މި ރޯސަޓަކީ ލަކްސް މޯލްޑިވްސް އިން އަލަށް ހުޅުވާ ރިސޯޓެކެވެ.

ސީޕްލޭންގައި 15 މިނެޓުން ދެވޭ އޮޅަހަލި އައިލެންޑް ރިސޯޓަށް ސްޕީޑް ބޯޓެއްގައި އެއް ގަޑިއިރުން ދެވޭނެއެވެ.

މީގެ އިތުރުން ރާއްޖޭގެ ކަނޑުގެ ރީތިކަން ބަލާލަން ބޭނުންވާ ފަތުރުވެރިންނަށް ސްނޯކްލިންނަށް ބޭނުންވާ ސާމާނު ލިބޭނެ ކަމަށާއި ހާއްސަ ޑައިވް ސެންޓަރެއް ވެސް ހުންނާނެ ކަމަށް އެރިސޯޓުން ބުނެއެވެ.

މި ރިސޯޓުގެ އޯޕެން އެއަރ ރެސްޓޯރަންޓްގެ ކެޕޭސިޓީއަކީ 30 މީހުންނެވެ.

މީގެ އިތުރުން ކުންފުނިތަކުގެ އެކި ހަރަކާތްތަކަށާއި އުފަން ދުވަސް ފާހަގަކުރުމަށާއި އެކި މުނާސަބަތުތަކަށް ކޭޓަރިންގެ ޙިދުމަތް އޯޕަން އެއަރ ރެސްޓޯރެންޓުން ފޯރުކޮށްދޭނެ ކަމަށް އެ ފަރާތުން ބުންޏެވެ.

މި ރިސޯޓަކީ ފަތުރުވެރިންގެ މެދުގައި ވަރަށް މަގުބޫލު މަންޒިލަކަށް ވެގެންދާނެ ކަމަށް އެ ކުންފުނިން ދެކެއެވެ.