އިންޑިޔާގަ ފިޔާ އަގުބޮޑުވެފައިވާ މި ދަނޑިވަޅުގަ، އަކްޝޭ އަންހެނުންނަށް ދިނީ ފިޔާއިން ހަދާފައިވާ ހަދިޔާއެއް

ބޮލީވުޑްގެ ތަރި އަކްޝޭ ކުމާރު އޭނާގެ އަންހެނުން، ބޮލީވުޑްގެ ފިލްމީ ތަރި އަދި ލިޔުންތެރިޔާ ޓުވިންކަލް ކަންނާ އަށް ހަދިޔާއަކަށް ފިޔާއިން ހަދާފައިވާ ކަންފަތުލާއެއްޗެއް ދީފިއެވެ.

ޓްވިންކަލް ކަންނާ ވަނީ މި ކަންފަތުލާ އެތީގެ ފޮޓޮއެއް އޭނާގެ އިންސްޓަގްރާމުގައި ހިއްސާކޮށްފައެވެ.

އިންސްޓަގްރާމުގައި ފޮޓޯ ހިއްސާކުރަމުން ޓްވިންކަލް ލިޔެފައިވަނީ "އަހަރެންގެ ފިރިމީހާ ކަޕިލް ޝަރުމާ ޝޯވގައި ޕާފޯމްކޮށްފައި އައިސް ބުންޏެވެ". އެމީހުން ކަރީނާއަށް ވެސް އެކަންފަތުލާއެތި ދެއްކި ކަމަށާއި އެ ހަދިޔާ ކަރީނާއަށް އެހާ ކަމުދިޔަ ކަމަށް އަކްޝޭއަށް ހީނުވާ ކަމަށް އޭނާ ބުނި ކަމަށެވެ. ނަމަވެސް ޓްވިންކަލް އަށް އެ ހަދިޔާ ވަރަށް މަޖާވާނެ ކަމަށް ޤަބޫލު ކުރެވޭތީ ގެނެސްދިނީ ކަމަށް އަކްޝޭ ބުނި ކަމަށް ޓްވިންކަލް ލިޔެފައި ވެއެވެ.

ޓްވިންކަލް ވަނީ މި ކަންފަތުލާއެއްޗަށް "ބެސްޓް ޕްރެސެންޓް އެވޯޑް" ވެސް ދީފައެވެ.

އަކްޝޭ އާއި ކަރީނާ ކަޕިލް ޝަރުމާ ޝޯވއަށް ދިޔައީ އެމީހުންގެ ކުރިޔަށް އޮތް ފިލްމް "ގުޑް ނިއުޒް" ޕްރޮމޯޓް ކުރުމަށެވެ.

މިދުވަސްކޮޅު އިންޑިއާގައި ވަނީ ފިޔާގެ އަގުމައްޗަށް އުފުލިފައެވެ. އެހެންކަމުން ފިޔައާއިގުޅޭ ގޮތުން އިންޓަނެޓްގައި ތަފާތު އެކި ހެއްވާ މަޖާ ވާހަކަތަކާއި، ފޮޓޯ، ވީޑިއޯ އަދި މަޖާ ޓިކްޓޮކް ވީޑިއޯތައް މީހުން ދަނީ ޕޯސްޓް ކުރަމުންނެވެ.