އަކްޝޭއާ އެކު ފިލްމްގައި މަސައްކަތް ކުރަން ތައްޔާރު: ސަލްމާން
15 މާރިޗު 2017 | ބުދަ 08:34ސަލްމާން ވަނީ ދެކެވޭ ވާހަކަތައް ގަބޫލު ނުކުރުމަށް އެދިފަ
އަކްޝޭ އާއި ސަލްމާން ޚާން
ބޮލީވުޑް ސުޕަރ ސްޓާރ އަކްޝޭ ކުމާރާ އެކު ފިލްމެއްގައި މަސައްކަތް ކުރަން ސަލްމާން ޚާން ބޭނުން ނުވާ ކަމަށް ދެކެވެމުންދާ ވާހަކަތައް ސަލްމާން ދޮގު ކޮށްފިއެވެ.
ސަލްމާން އޭނާ ކުޅެފައިވާ ފިލްމް "ދަބަންގް"ގެ ޑައިލޮގަކާ އެކު ކޮށްފައިވާ ޓްވީޓްގައި ވަނީ އޭނާ ހުރީ އެކްޝޭއާ އެކު ފިލްމުގައި މަސައްކަތް ކުރަން ތައްޔާރަށް ކަމަށާއި ދެކެވޭ ވާހަކަތައް ގަބޫލު ނުކުރުމަށް އެދިފައެވެ.
ސަލްމާން ބުނެފައިވަނީ އަކްޝޭ ލީޑް ރޯލުން ފެނިގެންދާ މި ފިލްމްގެ ކޯ ޕްރޮޑިއުސަރަކީ އޭނާ ކަމަށާއި ޕްރޮޑިއުސަރަކީ ކަރަން ޖޯހަރު ކަމަށެވެ. އަދި މިހާތަނަށް މަސައްކަތް ފަށާފައި ނުވާ މި ފިލްމްގެ ޑައިރެކްޓަރަކީ އަނޫރާގް ސިންގް އެވެ.
ސަލްމާން އާއި އަކްޝޭ ވަނީ 2003 ވަނަ އަހަރު " މުޖްސޭ ޝާދީ ކަރޯންގީ" އެކުގައި ފެނިގެން ގޮސްފައެވެ.
