ބުރާސްފަތި 24 ސެޕްޓެންބަރ 2020
04 އަތަ
1442 ސަފަރު 06
ފަތިސް 04:42
އިރުއަރާ 05:54
މެންދުރު 12:02
އަސްރު 15:07
އިރުއޮއްސޭ 18:03
އިޝާ 19:14
ޗިލީ

ގެއްލުނު ޗިލީގެ ފްލައިޓް ވަނީ ވެއްޓިފައި

  • ފްލައިޓްގައި 38 މީހުން ދަތުރުކުރި
  • ފްލައިޓް ލޮކޭޓް ކުރުމުގެ މަސައްކަތް ދަނީ ކުރަމުން
  • އެއާފޯސް އިން އުއްމީދު ކުރަނީ ބަޔަކު ސަލާމަތުން ތިބެދާނެ ކަމަށް

ކ. މާލެ | 10 ޑިސެންބަރ 2019 | އަންގާރަ 19:33 | 3,374

ޗިލީގެ އެއާފޯސްގެ ފްލައިޓެއް - ގެޓީ އިމޭޖާސް

38 މީހުންނާއި އެކު ދަތުރުކުރަމުން ދަނިކޮށް 12 ގަޑިއިރަށް ވުރެ ގިނައިރުވަންދެން ގެއްލުނު ޗިލީ އެއާފޯސްގެ ކާގޯ ފްލައިޓް ވެއްޓިފައިވާ ކަމަށާއި، ސަލާމަތުން ބަޔަކު ތިބިތޯ ބެލުމުގެ މަސައްކަތް ކުރަމުންދާ ކަމަށް ޗިލީގެ އެއާފޯސް އިން ބުނެފިއެވެ.

ޗިލީގެ ޕުންޓަ އެރެނަސް އިން ހޯމަ ދުވަހު އެ ގައުމު ގަޑިން ހަވީރު 16:55 ފުރައިގެން އެންޓަރޓިކާގެ ބޭސް އަކަށް ދަތުރުކުރި ހާކިއުލެސް މަރުކާގެ ފްލައިޓާއި އޮޕަރޭޓަރާއި ދެމެދު މުއާސަލާތީ ގުޅުން ކެނޑުނީ ޗިލީ ގަޑިން ހަވީރު ހައެއް ޖެހިހާއިރުއެވެ.

އެއާފޯސްއިން ނެރުނު ބަޔާނެއްގައި ބުނީ، މިލިޓަރީ ފްލައިޓް ލޮކޭޓް ކުރުމުގެ މަސައްކަތް ކުރަމުންދާއިރު، އެއްވެސް މީހަކު ސަލާމަތްވެފައިވޭތޯ ބަލަމުންދާ ކަމަށެވެ. ފްލައިޓް ގެއްލިފައިވާ އިރަށް ބަލާފައި މިހާރު ފްލައިޓް ވެއްޓިފައިވާ ކަމަށް ނިންމާފައިވާ ކަމަށް އެއާފޯސްގެ ބަޔާނުގައިވެއެވެ.

އެއާފޯސް އިން ބުނީ، ވެއްޓުނު ފްލައިޓްގައި17 ފަޅުވެރިންނާއި 21 ފަސެންޖަރުން ތިބި ކަމަށެވެ. ރެސްކިޔު ޓީމްތަކާއި ގުޅިގެން އެއާފޯސް އިން ދަނީ، ބައެއް މީހުން ސަލާމަތުން ތިބި ކަމުގެ އުއްމީދުގައި އެންމެ ފަހުން ފްލައިޓާއި ގުޅުން ކެނޑުނު ސަރަހައްދު ބަލަމުންނެވެ.

ޗިލީގެ ކާގޯ ފްލައިޓް ދަތުރުކުރީ އެންޓާޓިކާގައި ހުންނަ އެއާފޯސްގެ ބޭސްއަށް ލޮޖިސްޓިކް ސަޕޯޓުގެ އިތުރުން މެއިންޓަނެންސް ސަޕޯޓް ފޯރުކޮށް ދިނުމަށެވެ.

އެންމެ ފަހުން އަޕްޑޭޓް ކުރީ: 6 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.