ދެވަނަ ބޮޑުހަނގުރާމައިގެ ދުވަސްވަރު ގެއްލުނު ދެމަފިރިއަކު ގަނޑުވެފައި ތިއްބައި ފެނިއްޖެ

ދެވަނަ ބޮޑު ހަނގުރާމައިިގެ ދުވަސްވަރު އަލްޕްސްގައި އޮތް އެމީހުންގެ ދަނޑުބިމަކުން ގެއްލުނު ސްވިޒަލޭންޑްގެ ދެމަފިރިޔަކު 75 އަހަރަށް ފަހު އައިސްގަނޑުގެ ތެރޭގައި ގަނޑުވެފައިވަނިކޮށް ފެނިއްޖެއެވެ.

މާސެލިން 40، އަދި ފްރަންސައިން 37 ގެއްލިފައިވަނީ އެ މީހުންގެ ގެ ކައިރީގައި އޮންނަ ދަނޑުބިމުގައިވާ ގެރިތަކުން ކިރުފެލުމަށް ނުކުމެ އުޅެނިކޮށް އޯގަސްޓް 15، 1942 ގައެވެ.އެ ފަހުން އެ މީހުންގެ ހަ ކުދިންނާވެސް އެކު އެ ދެމަފިރިން އަނބުރާ އާއިލާގެ ގާތަށް ގޮސްފައެއް ނުވެއެވެ.

ޢާއްމުކޮށް ކުރިޔަށް ގެންދާ މެއިންޓަނަންސް މަސައްކަތުގައި އުޅުނު މަސައްކަތު މީހަަކަށް މިދިޔަ ހަފްތާގައިވަނީ އަންހެނަކާއި ފިރެހެނެއްގެ ގަނޑުވެފައިވާ ހަށިގަނޑު ފެނިފައެެވެ.

އެ ހަށިގަނޑުތައް ފެނިފައިވަނީ ސެންފްލޫރަން ގްލޭޝިއަރ އިންނެވެ.

ސެންފްލޫރަން ގްލޭޝިއަރއަކީ ސްވިޒަލޭންޑްގެ ކަނޑުގެ ސަރަހައްދުގައި އޮންނަ 3.5 ކިލޯމީޓަރުގެ ގަނޑު ފެނުގެ ސަރަހައްދެކެވެ.

"ދުުރުން އެ ހިީވަނީ ކުޑަ ގާކޮޅެއްހެން،އެކަމަކު އެކަހަލަ ބައިވަރު ތަންތަން އެބަހުރި" ގްލޭޝިއަރ 3000 ރިޒޯޓްގެ ޑިރެކްޓަރ ބާނާޑް ޝަނެން ރޭޑިއޯ ޓެލެވިޒަން ސްވިސް އަށް ދެއްވި އިންޓަވިއުގައި ވިދާޅުވިއެވެ.

ދެމަފިރިން ގަނޑުވެފައި ތިބީ ގާތްގާތުގައެވެ.

އެ ދެމަފިރިންގެ އެންމެ ހަގު އަންހެން ދަރިފުޅު އުމުުރުން 79 އަހަރުގެ މާސެލިން ސްވިޒަލޭންޑްގެ ނޫހެއްްކަމަށްވާ ލެ މާޓިން ގައި ބުނެފައިވަނީ އެ ދެމީހުން ހޯދުމުގެ މަސައްކަތް އެމީހުން ހުއްޓާނުލާކަމަށެވެ.

"އަހަރުމެންގެ މުޅި ދިރިއުޅުން ހޭދަކުރީ އެމީހުން ހޯދުމުގަ ހުއްޓާނުލައި.އަހަރުމެންނަށް ވިސްނުނު އެ މީހުންނަށް ހައްގުވާ މިންވަރުގެ ޖަނާޒާއެއް ކޮންމެވެސް ދުވަހަކުން އަހަރުމެންނަށް ބާއްވައިދެވޭނެ ކަމަށް" އޭނާ ބުންޏެވެ.

އިތުރު އަހެން ދަރިއެއްކަމަށްވާ މޮނީކް ގޮސްޗީ-ޑުމަލިން ރޭޑިއޯ ޓެލެވިޒަން ސްވިސްގައި ބުނެފައިވަނީ އެ މީހުންގެ މައިންބަފައިން ގެއްލުނު ދުވަހު ހެނދުނު އެމީހުން ދިޔައީ ވާދީގައި ހިނގާލަންކަމަށެވެ. އޭނާގެ ބައްޕަ ދިޔައީ ލަވަކިޔަމުން ކަމަށާއި އެއީ ވަރަށް އުފާވެރި ދުވަހެއްކަމަށްވެސް އޭނާވަނީ ބުނެފައެވެ.