ކ. މާލެ
|
16 ޖުލައި 2017 | އާދީއްތަ 09:27
އޮފިޝަލުން ވަނީ ވީހާވެސް ބޮޑަށް ދަތުރުފަތުރު ނުކުރުމަށް އާންމުންނަށް އިލްތިމާސްކޮށްފަ
އޮފިޝަލުން ވަނީ ވީހާވެސް ބޮޑަށް ދަތުރުފަތުރު ނުކުރުމަށް އާންމުންނަށް އިލްތިމާސްކޮށްފަ
ގޫގުލް
ޗިލީ
ޗިލީގެ ވެރިރަށް ސެންޓިއާގޯ އަށް އާދަޔާ ހިލާފަށް ބޯކޮށް ސްނޯ ފައިބައިފި
 
މި ފޭބި ސްނޯއަކީ 2007ގެ ފަހުން އެންމެ ބޯކޮށް ސްނޯ ފޭބި ފަހަރު

ދެކުނު އެމެރިކާގެ ގައުމެއް ކަމަށްވާ ޗިލީގެ ވެރިރަށް ސެންޓިއާގޯ އަށް އާދަޔާ ހިލާފަށް ބޯކޮށް ސްނޯ ފައިބާ ގަދަ ފިނީގެ ސަބަބުން ބޮޑެތި ގެއްލުންތަކެއްވެއްޖެއެވެ. 

ސެންޓިއާގޯ އަށް ސްނޯ ފޭބުމުގެ ސަބަބުން ކަރަންޓް ކަނޑައިގެން ގޮސް  އެތައް ބަޔަކު ގަދަ ފިނީގައި ތިބެން ޖެހިފައިވާއިރު ކަރަންްޓް ކަނޑައިގެން ދިޔުމުގެ ސަބަބުން 250،000 މީހުންނަށް އޭގެ އަސަރުކޮށްފައިވެއެވެ.އޮފިޝަލުން ބުނާގޮތުން ކަރަންޓް ކަނޑައިގެން ދާން ބޮޑަށް މެދުވެރިވީ ބޮޑެތި ގަސްތަައް ކަރަންޓް ކޭބަލްތަކަށް ވެއްޓުމުންނެވެ.

މަގުމަތީ ގައި ބޯކޮށްހުރި ސްނޯ ސާފުކުރަން އުޅުމުގެ ތެރޭގައި އެކަަކު މަރުވެފައިވާ ކަމަށް ރިޕޯޓުތައް ބުނެއެވެ. އަދި ކަރަންޓް ދޭން ބޭނުން ކުރާ ލައިނެއް ވެއްޓުމުގެ ސަބަބުން ދެ މީހަކު ޒަޚަމްވެފައިވެއެވެ.

މީޓިއޮރޮލޮޖިސްޓުން ބުނާގޮތުން ސެންޓީއާގޯ އަށް މިފަހަރު މި ފޭބި ސްނޯއަކީ 2007ގެ ފަހުން އެންމެ ބޯކޮށް ސްނޯ ފޭބި ފަހަރެވެ.

ރިޕޯޓުތައް ބުނާގޮތުން ކުރިއަށްއޮތް ދުވަސްތަކުގައި ވެސް ސެންޓިއާގޯ އަށް މަދުން ސްނޯ ފޭބުން އެކަށީގެންވެއެވެ.

 

 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
20%
20%
20%
20%
20%
0%
ކޮމެންޓް