އޯއައިސީ ސްޓެޓިއުޓް ފޯރ ވިމެން ޑިވެލޮޕްމަންޓް އޯގަނައިޒޭޝަންގައި ފޮރިން މިނިސްޓަރ ޝާހިދު ސޮއިކުރައްވައިފި
އދ ފިޔަވާ ދުނިޔޭގައި އޮތް އެންމެ ބޮޑު ބައިނަލްއަޤްވާމީ ޖަމުއިއްޔާ އަކީ އޯއައިސީ
އޯއައިސީގެ ރަންޔޫބިލް ފާހަގަކުރުމަށް ބޭއްވި ހަރަކާތްތައް ފެށުމުގެ ރަސްމިއްޔާތުގައި ފޮރިން މިނިސްޓަރ އަބްދުﷲ ޝާހިދު ބައިވެރިވެވަޑައިގަންނަވަނީ
މިނިސްޓްރީ އޮފް ފޮރިން އެފެއަރޒް އަބްދުﷲ ޝާހިދު އޯގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ) ގެ ސެކެޓްރީ ޖެނެރަލް ޑރ. ޔޫސުފް ބިން އަހުނަދު އަލް އުތައިމިން އާ ސައުދި އަރަބިއްޔާގެ ޖިއްދާ ގައި ހުންނަ އެޖަމާއަތުގެ މައި އިދާރަގައި ހޯމަ ދުވަހު ބައްދަލު ކުރައްވައިފިއެވެ.
ޚާރިޖީ ވަޒީރު ޝާހިދު ސައުދީ އަރަބިއްޔާއަށް ވަޑައިގެންފައިވަނީ އޯއައިސީގެ ރަންޔޫބިލް ފާހަގަކުރުމަށް ބޭއްވި ހަރަކާތްތައް ފެށުމުގެ ރަސްމިއްޔާތުގައި ބައިވެރިވެ ވަޑައިގަތުމަށެވެ.
މި ބައްދަލުވުމުގައި ދެބޭފުޅުން ދެއްކެވި ވާހަކަފުޅުގައި އޯއައިސީގެ ހަރަކާތްތަކާއި މަޝްވަރާތަކުގައި ދިވެހިރާޢްޖޭގެ ބައިވެރިވުން އިތުރު ކުރުމައި ބެހޭގޮތުން މަޝްވަރާ ކުރެއްވިއެވެ. އަދި އޯއައިސީގެ ސެކެޓްރީ ޖެނެރަލް ޑރ. އަތައިމިން ވަނީ ދިވެހިރާއްޖޭއިން ޖިއްދަގައި ކޮންސިއުލޭޓއް ހުޅުވަން ނިންމާފައިވާތީ އެކަމަށް މަރުހަބާ ވިދާޅުވެފައެވެ.
މިނިސްޓަރ ޝާހިދު ވަނީ ހޯމަ ދުވަހު އޯއައިސީ ވިމެން ޑިވެލެޕްމަންޓް އޯގަނައިޒޭޝަންގެ ސްޓެޓިއުޓްގައި ސޮއިކުރައްވާފައެވެ.
އޯއައިސީ ވިމެން ޑިވެލޮޕްމަންޓް އޯގަނައިޒޭޝަން އަކީ އޯއައިސީގެ މެންބަރު ގައުމުތަކުގައި އަންހެނުން ބާރުވެރިކޮށް، އެކި ކަންކަމުގައި އަންހެނުންގެ ރޯލް އިތުރަށް ފުޅާކުރުމަށް އޯއައިސީގެ ދަށުން ހިންގާ ޖަމްއިއްޔާއެކެވެ. މި ޖަމުއިއްޔާގެ އުސޫލްތަކައި މަގްސަދުތަކަށް ރިޢާޔަތްކޮށް ، ޖަމުއިއްޔާގެ މެންބަރު ގައުމަކަށް ދިވެހިރާއްޖެ ވުމަށް ރައްޔިތުންގެ މަޖިލީހުން ރުހުން ދީފައިވަނީ މިއަހަރުގެ ސެޕްޓެމްބަރު މަހުއެވެ.
އޯއައިސީއަކީ ދިވެހިރާއްޖެ އިން އެންމެ ހަރަކާތްތެރިކޮށް ބައިވެރިވާ ބައިނަލްއަޤްވާމީ އެއް ޖަމުޢިއްޔާއެވެ.
މިއަހަރުގެ މާރޗް މަހު ޔުނައިޓެޑް އެރެބް އެމިރޭޓްސްގެ އަބޫދާބީގައި ބޭޢްވި އޯއައިށީ ކައުންސިލް އޮފް މިނިސްޓާރސްގެ 46 ވަނަ ބައްދަލުވުމުގައި ޚާރިޖީ ވަޒީރު އަބްދުﷲ ޝާހިދު ބައިވެރިވެ ވަޑައިގެންފައިވާއިރު ، މާތްވެގެންވާ މައްކާގައި މިއަހަރުގެ މެއި މަހު ބޭއްވި 14 ވަނަ އިސްލާމިކް ސަމިޓްގައި ރައީސުލް ޖުމްހޫރިއްޔާ އިބްރާހިމް މުހައްމަދު ސާލިހު ބައިވެރިވެ ވަޑައިގަތެވެ.
އދ ފިޔަވާ ދުނިޔޭގައި އޮތް އެންމެ ބޮޑު ބައިނަލްއަޤްވާމީ ޖަމުއިއްޔާ އަކީ އޯއައިސީއެވެ.
57 މެންބަރު ގައުމުގެ މައްޗަށް އެކުލެވޭ މި ޖަމުއިއްޔާއަކީ އިސްލާމީ ދުނިޔޭގެ އަޑު އުފުލައިދޭ ޖަމާޢަތެވެ.
އެ ޖަމުއިއްޔާގެމައިގަނޑު މަގްސަދުތަކުގެ ތެރޭގައި އިސްލާމީ ގައުމުތަކުން ބޭނުންވަ ކަންކަން ޕްރޮމޯޓް ކުރުމާއި ސުލްހަ މަސަލަސްކަން ގާއިމް ކުރުން ހިމެނެއެވެ.
ދިވެހިރާއްޖެ އިން އޯއައިސީގެ މެންބަތަކަށްވީ 1976 ވަނަ އަހަރު ރައީސް އިބްރާހިމް ނާސިރު ރަންނަބަނޑޭރިކިލެގެފާނު ރާއްޖޭގެ ވެރިކަމުގައި ހުންނެވިއިރު އެވެ.
