ލެ ޕަރފިއުމްގެ އައުޓްލެޓެއް ކްރޮސްރޯޑްސްގައި ހުޅުވައިފި
މިއީ ލެ ޕަރފިއުމްގެ ތިންވަނަ އައުޓްލެޓް
މަރީނާ އެޓް ކްރޮސްރޯޑްސްގައި ހުންނަ ލެ ޕަރފިއުމްގެ އައުޓްލެޓް
ރާއްޖޭގައި އެންމެ ފުޅާ ދާއިރާއެއްގައި ސެންޓާއި ކޮސްމެޓިކްސްގެ ވިޔަފާރި ކުރާ އެއް ފިހާރަ ކަމުގައިވާ، "ލެ ޕަރފިއުމް"ގެ އައުޓްލެޓެއް މަރީނާ އެޓް ކްރޮސްރޯޑްސްގައި ހުޅަވައިފިއެވެ.
މި އައުޓްލެޓް ހުޅުވުމުގެ ގޮތުން އެ ފިހާރައިން ހާއްސަ ޕްރޮމޯޝަނެއް ވަނީ ފަށާފައެވެ. އެގޮތުން ހުރިހާ ޕްރޮޑަކްޓްތަކުން ފަސް އިންސައްތައިގެ ޑިސްކައުންޓެއް ދޭން ނިންމާފައިވާއިރު، 100 ޑޮލަރުން މަތީގެ ކޮންމެ ވިޔަފާރިއަކުން 10 އިންސައްތައިގެ ޑިސްކައުންޓެއް ލިބެއެވެ. އަދި މި ޕްރޮމޯޝަން ނޮވެމްބަރު މަހުގެ 30 ވަނަ ދުވަހާއި ހަމައަށް ދިގުދެމިގެންދާނެއެވެ.
ލެ ޕަރފިއުމްއިން ލިބޭ ބައެއް މަޝްހޫރު މަރުކާތަކުގެ ތެރޭގައި، މީހުންގެ ތެރޭގައި މަގުބޫލު ގޫޗީ، ލަކޯސްޓޭ، ހޫގޯ ބޮސް، ބުލްގާރީ، ވަސާޗޭ، މަރކް ޖޭކޮބްސް، ކެލްވިން ކްލައިން، ސަލްވަޓޯރޭ ފެރެގާމޯ އަދި ޑެވިޑޯފް ހިމެނެއެވެ. އަދި ލެ ޕަރފިއުމްގެ ހުރިހާ އައުޓްލެޓެއްގައިވެސް ވިއްކަނީ ސައްތައިން ސައްތަ އޮރިޖިނަލް މުދާ ކަމުގެ ޔަގީންކަން އެ އައުޓްލެޓްތައް ހިންގާ މަރކޮމްސް ކުންފުނިން ވަނީ ދީފައެވެ.
މި ފަހަރުގެ އައުޓްލެޓް ހުޅުވިގެން ދިޔަ މަރީނާ އެޓް ކްރޮސްރޯޑްސްއަކީ ތަފާތު އެކި ހިދުމަތްތަކާއި މުނިފޫހިފިލުވުމުގެ ހަރަކާތްތައް ހިމެނޭ ތަނެކެވެ. އެގޮތުން ފިހާރަތަކާއި ކެފޭ އަދި ރެސްޓޯރަންޓް މިތަނުގައި ހުރެއެވެ. މިއީ ރާއްޖޭގައި މިހެން ފަރުމާކުރެވިގެން ދިޔަ ފުރަތަމަ ޑެސްޓިނޭޝަން ކަންވެސް ފާހަގަކޮށްލަން ޖެހެއެވެ.
މިތަނުގައި ހުންނަ ބައެއް އެހެން ފިހާރަތަކުގެ ތެރޭގައި، ހަމްސް، ޓޮޑީޒް އަދި ރައިދާސް މޯލްޑިވްސް ހިމެނެއެވެ. އަދި މަޝްހޫރު ރެސްޓޯރަންޓް ޗެއިންތައް ކަމަށްވާ ހަރޑް ރޮކް ކެފޭ އާއި ކެފޭ ޑެލް މަރ އަދި މިނިސްޓްރީ އޮފް ކްރެބްގެ އައުޓްލެޓްތައް މަރީނާގައި ވަނީ ހުޅުވާފައެވެ.
