ހޮނިހިރު 07 ޑިސެންބަރު 2019
11 ދޮށަ
1441 ރަބީޢުލްއާޚިރު 10
ފަތިސް 04:42
އިރުއަރާ 05:58
މެންދުރު 12:01
އަސްރު 15:22
މަޣްރިބް 17:56
އިޝާ 19:13
ދުނިޔެ - އިންޑިއާ

އިންޑިއާގެ އައު އުއްތަމަ ފަނޑިޔާރު މަގާމުގެ ހުވާ ކުރައްވައިފި

  • ޝަރަދު އަރްވިންދު ބޮބްޅޭ ވެވަޑައިގެންފައިވަނީ އިންޑިއާގެ 47 ވަނަ އުއްތަމަ ފަނޑިޔާރަށް

އަތޫފް އާތިފް
AthifAthoof

ކ. މާލެ 19 ނޮވެންބަރު 2019 | އަންގާރަ 09:42 2,854

އިންޑިއާގެ އައު ބޮޑުވަޒީރު ހުވައި ކުރެއްވުމުގެ ރަސްމިއްޔާތުގެ ތެރެއިން - އިންޑިއާ ޓައިމްސް

އިންޑިއާގެ އައު އުއްތަމަ ފަނޑިޔާރު ޝަރަދު އަރްވިންދު ބޮބްޅޭ މަގާމުގެ ހުވާ ކުރައްވައިފިއެވެ.

އިންޑިއާގެ 47 ވަނަ އުއްތަމަ ފަނޑިޔާރުގެ ހައިސިއްޔަތުން ޝަރަދު އަރްވިންދު ބޮބްޅޭ މަގާމުގެ ހުވާ ކުރެއްވުމުގެ ރަސްމިއްޔާތު ބޭއްވިގެންދިޔައީ އިންޑިއާގެ ރައީސް ގަނޑުވަރު ރާޝްތުރަފަތީ ބަވަންގައެވެ. މި ރައްސްމިއްޔާތުގައި އުއްތަމަ ފަނޑިޔާރު ކަމުގެ ހުވާ ލައިދެއްވީ އިންޑިއާގެ ރައީސް ރާމް ނާތު ކޯވިންދުއެވެ.

އުއްތަމަ ފަނޑިޔާރުގެ ހުވާ ކުރެއްވުމުގެ ރަސްމިއްޔާތުގައި ބޮޑުވަޒީރު ނަރެންދުރަ މޯދީ އާއި އިންޑިއާގެ ސިޔާސީ މައިދާނުގެ އިސް ގިނަ ވެރިން ވަނީ ބައިވެރިވެފައެވެ.

ޝަރަދު އަރްވިންދު ބޮބްޅޭ އިންޑިއާގެ އުއްތަމަ ފަނޑިޔާރުގެ މަގާމާއި ހަވާލުވެ ވަޑައިގެންނެވީ އެ މަގާމުގައި ކުރިން ހުންނެވި ޖަސްޓިސް ރަނޖަން ގޮގޯއި ރިޓަޔާ ކުރެއްވުމާއި ގުޅިގެންނެވެ.

އިންޑިއާގެ އައު އުއްތަމަ ފަނޑިޔާރުގެ މަގާމަށް ޝަރަދު އަރްވިންދު ބޮބްޅޭ 2021 ވަނަ އަހަރުގެ އޭޕްރީލް މަހުގެ 23 ވަނަ ދުވަހު ރިޓަޔާ ކުރައްވަންދެން މަގާމުގައި ދެމިހުންނަވާނެއެވެ.

ޝަރަދު އަރްވިންދު ބޮބްޅޭ އުފަންވެވަޑައިގެންނެވީ 24 އޭޕްރީލް 1956 ގައި މަހާރަޝްތުރާގެ ނާގަޕޫރަށެވެ. އޭނާގެ އާއިލާ މަޝްހޫރުވެލައްވައިފައިވަނީ ގާނޫނީ ވަކީލުންގެ އާއިލާއެއްގެ ގޮތުގައެވެ. އެގޮތުން ކާފާފުޅާއި ބައްޕައާއި ބޭބެއަކީ ފުންނާބު އުސް ގާނޫނީ ވަކީލުންނެވެ.

އެންމެ ފަހުން އަޕްޑޭޓް ކުރީ: 3 ހަފްތާކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް