ހުކުރު 07 އޯގަސްޓު 2020
10 އަހުލިހަ
1441 ޒުލްޙައްޖު 17
ފަތިސް 04:47
އިރުއަރާ 06:02
މެންދުރު 12:16
އަސްރު 15:33
އިރުއޮއްސޭ 18:22
އިޝާ 19:37
ފަލަސްތީން

ގައްޒާއަށް ދިން ހަމަލާއަކީ އިންޓެލިޖެންސް ފެއިލިއާއަކުން ދެވެނު ހަމަލާއެއްކަމަށް އިސްރާއިލުން ބުނެފި

  • މި ހަމަލާގައި 8 މީހަކު ޝަހީދުވި އިރު އޭގެ ތެރޭގައި 3 ކުޑަކުއްޖަކު ހިމެނޭ
  • ހަމަލާ ދެވުނީ އިންޓެލިޖެންސް ފެއިލިއާއަކުން
  • ހަމަލާ ޓާގެޓް ކުރީ އިސްލާމިކް ޖިހާދުގެ މެންބަރެއްގެ ގެއަށް

ކ. މާލެ | 18 ނޮވެންބަރ 2019 | ހޯމަ 00:17 | 6,565

އިސްރާއިލްގެ ހަމަލާގައި ސުންނާފަތިވި ޕަލަސްތީނުގެ ގެ ހުރިތަން - ވޯލް ސްޓްރީޓް ޖާނަލް

މީގެ ދެދުވަސްކުރިން ޔަހޫދީ ހަރުކަށި ދައުލަތް އިސްރާއިލުން ފަލަސްތީނަށް ދިން ހަމަލާގައި އާންމުންގެ 8 މީހަކު މަރުވި ހާދިސާއަކީ އިންޓެލިޖެސް ފެއިލިއާއަކުން ހިނގިކަމެއް ކަމަށް އިސްރާއިލުން ބުނެފިއެވެ.

ހޮނިހިރު ދުވަހުގެރޭގެ ވަގުތެއްގައި އިސްރާއިލުން ދިން ހަމަލާގައި 8 މީހަކު މަރުވެފައިވާ އިރު، މީގެ ތެރޭގައި ތިން ކުޑަކުދިން ހިމެނެއެވެ. މި މައްސަލަ ބަލާނެކަމަށް އިސްރާއިލުން ބުނެފައިވަނިކޮށް، އެގައުމުން މިހާރު ބުނެފައިވަނީ އެ ހަމަލާ ދެވުނީ އިންޓެލިޖެންސް ފެއިލިއާކުން ކަމަށެވެ.

އިސްރާއިލުގެ ހަމަލާއާއި ގުޅިގެން އެގައުމުގެ އަސްކަރިއްޔާއިން ބުނެފައިވަނީ އެ ހަމަލާއަކީ ޕލަސްތީނުގެ އިސްލާމިކް ޖިހާދުގެ މެންބަރެއްގެ ގެއަށް ކަމަށާއި، އެގޭގައި އެހެން ބަޔަކު ދިރިއުޅެމުން ދިޔަކަމެއްގެ މައުލޫމާތު ލިބިފައި ނުވާ ކަމަށެވެ. މި ހަމަލާގައި ދެގެއެއް ވަނީ ސުންނާފަތި ވެފައެވެ.

މި ހަމަލާއާއި ގުޅިގެން ފަލަސްތީންގެ މަސްރަހު ހޫނުވެފައިވާކަމަށް ބައިނަލްއަގުވާމީ މީޑިއާއިން ވަނީ ރިޕޯޓްކޮށްފައެވެ. މި ހަމަލާގައި އިސްރާއިލުގެ ޓާގެޓަކަށްވި ރަސްމީ ޝަހީދުވިކަމަށް ހަބަރުތައް ބުނެއެވެ. އަދި އޭނާގެ ދެވަނަ އަނބި މަރްޔަމާއި، 11 ދަރިންގެ ތެރެއިން 3 ދަރިން ޝަހީދުވިއެވެ. ޝަހީދުވި ކުޑަކުދިންގެ ތެރޭގައި އުމުރުން 12 އަހަރުގެ މުޙައްނަދާއި، އުމުރުން 3 އަހަރުގެ ސާލިމްއާއި އެންމެ 3 މަހުގެ ފިރާޒެވެ.

މީގެ އިތުރުން ރަސްމީގެ ބޭބެ މުޙައްމަދުގެ އަންހެނުން ޔުސްރާއާއި، އެ ދެމަފިރިންގެ އުމުރުން 13 އަހަރުގެ ވަސީމްއާއި 7 އަހަރުގެ މުއާޒްވެސް ވަނީ މި ހަމަލާގައި ޝަހީދުވެފައެވެ.

މި ހަމަލާގައި މަރުވި މީހުންގެ ޖަނާޒާގެ ކަންކަން ބާއްވާފައިވަނީ ގައްޒާގެ އަލް މުޖާހިދީން މިސްކިތުގައެވެ. މި ޖަނާޒާގައި ފަލަސްތީނުގެ އެތައް ސަތޭކަ ރައްޔިތުންނެއް ވަނީ އިސްލާމިކް ޖިހާދުގެ ދިދަ ހިފައިގެން ބައިވެރިވެފައެވެ.

އެންމެ ފަހުން އަޕްޑޭޓް ކުރީ: 4 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.