ރައީސް ނަޝީދު ވިލިނގިއްޔަށް ވަޑައިގަތް ވަގުތާ ދިމާކޮށް މުޒާހަރާކުރި ބަޔަކު ފުލުހަށް ހާޒިރުކޮށްފި
31 އޮކްޓޯބަރު 2019 | ބުރާސްފަތި 04:46މުޒާހަރާ ކުރީ ކައުންސިލްގެ ހުއްދަ ނުނަގާ
ރައީސް ނަޝީދު ވިލިނގިއްޔަށް ވަޑައިގަތުމުން އެރަށުގެ ރައްޔިތުން މަރުހަބާ ކިޔަނީ
ރައްޔިތުން މަޖިލީހުގެ ރައީސް، ރައީސް މުހައްމަދު ނަޝީދު ގއ. ވިލިނގިއްޔަށް ވަޑައިގަތް ވަގުތާ ދިމާކޮށް މުޒާހަރާކުރި ބަޔަކު ފުލުހަށް ހާޒިރުކޮށްފިއެވެ.
ފުލުހުން ބުނީ ވިލިނގިލީގައި ބުދަ ދުވަހުގެ ރޭގެ ވަގުތެއްގައި ރަށު ކައުންސިލްގެ ހުއްދަ ނުނަގާ އަޑުގަދަ ކުރާ ބޭނުންކޮށް ފުލުހުން ސަލާމަތީ ގޮތުން ބަންދުކޮށްފައިވާ ސަރަހައްދަށް ވަދެ މުޒާހަރާކޮށްފައިވާ ކަމަށެވެ. އަދި އަމަލު ހިންގި މީހުންނާ ސުވާލުކުރުމަށް ޕޮލިސް ސްޓޭޝައަށް ހާޒިރުކޮށްފައިވާ ކަމަށް ފުލުހުން ބުންޏެވެ.
މައުލޫމާތު ލިބޭގޮތުގައި މުޒަހަރާގެ ބައިވެރިންވަނީ ދީނަށް ފުރައްސާރަ ކުރާ މީހުންނަށް ފިޔަވަޅު އަޅައި، އެމްޑީއެން އުވާލުމަށް ގޮވާލާފައެވެ.
އެމްޑީއެންގެ ރިޕޯޓާއި ގުޅިގެން އަޅަންޖެހޭ ފިޔަވަޅުތައް އަޅުއްވާނެ ކަމަށް ރައީސް އިބްރާހިމް މުހައްމަދު ސޯލިހު ވަނީ ވިދާޅުވެފައެވެ. އަދި އެ ރިޕޯޓަށް ފިޔަވަޅު އަޅަން ޖެހޭ ކަމަށް ނަޝީދު ވެސް ވަނީ ވިދާޅުވެފައެވެ.
