ރަށްރަށުގައި "މޯބައިލް ލެބޯރެޓަރީ" ގެ ޚިދުމަތް ފަށަނީ
20 އޮކްޓޯބަރު 2019 | އާދީއްތަ 02:24މިހާރު މި ޚދުމަތް ދެމުން އަންނަނީ ލެބޯރެޓަރީ ހުންނަނީ 90 ރަށެއްގައި
ސ. ހިތަދޫ ރީޖަނަލް ހޮސްޕިޓަލް
ރަށްރަށުގައި "މޯބައިލް ލެބޯރެޓަރީ"ގެ ޚިދުމަތް އާދިއްތަ ދުވަހު ފެށުމަށް ހެލްތް މިނިސްޓްރީން ނިންމައިފިއެވެ.
މި ޕްރޮޖެކްޓް ރަސްމީކޮށް ލ. އަތޮޅުގައި ފެށުމަށް ނިންމާފައިވާއިރު މި ޚިދުމަތް ފައްޓަވައި ދެއްވުމަށް ހަމަޖެހިފައިވަނީ ހެލްތު މިނިސްޓަރު އަބްދުﷲ އަމީނެވެ.
މި ޚިދުމަތް ފެށުމުން ރަށުގައި ހުންނަ ސިއްހީ މަރުކަޒުތަކަށް ސާމްޕަލް ދީގެން، މީހުން ދިރިއުޅޭ ހުރިހާ ރަށެއްގައި ލޭގެ ޓެސްޓްތައް ހަދަން ފެށޭނެއެވެ.
މިހާރު މި ޚިދުމަތް ދެމުން އަންނަނީ ލެބޯރެޓަރީ ހުންނަނީ 90 ރަށެއްގައި ކަމަށް ހެލްތްމިނިސްޓްރީން މައުލޫމާތު ދެއެވެ.
"މޯބައިލް ލެބޯރެޓަރީ" ގެ ޚިދުމަތް ފެށުމަށް ސަރުކާރުން ނިންމަފައި މިވަނީ ކޮންމެ ރަށެއްގައި ލެބޯރެޓަރީއެއް ހެދުމަކީ ބޮޑު ހަރަދަކަށް ވާތީކަމަށް މިނިސްޓްރީން މައުލޫމާތު ދެއެވެ.
މި ޚިދުމަތް ފެށުމާއި އެކު ކުރިއަށް އޮތް އަހަރެއްހާ ދުވަހުގެ ތެރޭގައި، ރާއްޖޭގެ ހުރިހާ ރަށެއްގައި ތިބެގެން ޓެސްޓްތައް ހެދޭނެ ކަމަށް މިނިސްޓްރީން މައުލޫމާތު ދެއެވެ.
މި ޕްރޮޖެކްޓްގެ ދަށުން ހުރިހާ ރަށަކުން ވެސް ލޭ ނަގައިގެން އާންމުކޮށް ހަދާ ހުރިހާ ޓެސްޓެއް ހެދޭނެ ކަމަށް މިނިސްޓްރީން މައުލޫމަތު ދެއެވެ.
