ކެޓަލޯނިއާގެ ލީޑަރުންނަށް ކުރި ހުކުމާއިއެކު ހިނގަމުންދާ ހަމަނުޖެހުންތަކުގައި 500،000 އަށް ވުރެ ގިނަ މީހުން!
19 އޮކްޓޯބަރު 2019 | ހޮނިހިރު 07:07މި މުޒާހަރާތަކުގައި 500000 އަށް ވުރެ ގިނަ މީހުން ވަނީ ބައިވެރިވެފައި
ކުރެވެމުންދާ މުޒާހަރާތަކުގެ ތެރެއިން
ކެޓަލޯނިއާގެ ލީޑަރުންނަށްކުރި ހުކުމާއިއެކު ހިނގަމުންދާ ހަމަނުޖެހުންތަކުގައި 500,000 ވުރެ ގިނަ މީހުން ބައިވެރިވެފައިވާކަމަށް ބީބީސީއިން ރިޕޯޓުކޮށްފިއެވެ.
ރިޕޯޓުތަކުން ބުނާ ގޮތުގައި މުޒާހަރާގެ ބައިވެރިން ވަނީ ސްޕެއިން އާއި ފްރާންސްގެ ބޯޑަރުގައި ހުރި މޮޓޯ ވޭއެއް ބަންދުކޮށްފައިވާއިރު މުޒާހަރާ ކުރަމުންދާ ސަރަހައްދުގެ 20 މަގެއްވެސް ވަނީ ބަންދުކޮށްފައެވެ. އަދި މުޒާހަރާގެ ބައިވެރިން ވަނީ ފަތުރުވެރިންގެ މަގުބޫލުކަން ހޯދާފައިވާ، ސަގްރާޑާ ފެމީލިއާ ޗާޗްގެ މައި ދޮރުވެސް ބަންދުކޮށްފައެވެ.
ފުލުހުންނާއި އާންމުންގެ ދެމެދުގައި ހިނގި މި ހަމަނުޖެހުންތަކުގައި ފުލުހުން ވަނީ ހަމަނުޖެހުން ކޮންޓްރޯލް ކުރުމަށް ކަރުނަ ގޭސް ބޭނުން ކޮށްފައެވެ. މުޒާހަރާގެ ބައިވެރިން ވަނީ އަލިފާން ރޯކޮށް މަގުމަތީގައި ހަަމަނުޖެހުން އުފައްދާފައެވެ. ފުލުހުންނަށް ވެސް މުޒާހަރާ ކޮންޓްރޯލްކުރުމަށް ދަތިތަކެއް ކުރިމަތިވީއިރު، މުޒާހަރާ ކޮންޓްރޯލް ކުރުމަށްޓަކާ ރަބަރު ވަޒަނާއި ވޯޓަރ ކެނަންސް ބޭނުންކޮށްފައިވެއެވެ.
މު މުޒާހަރާތައް ކުރެވެމުން ދަނީ ސްޕެއިންގެ ސަރަހައްދެއް ކަމުގައިވާ، ކެޓަލޯނިއާގެ ލީޑަރުންނަށްކުރި ހުކުމާއި ގުޅިގެންނެވެ. ސްޕެއިންގެ ސްޕްރީމް ކޯޓުން ކެޓަލޯނިއާގެ ލީޑަރުންނަށް އިއްވައިފައިވަނީ ނުވަ އަހަރާއި 13 އަހަރާއި ދެމެދުގެ ހުކުމެކެވެ.
