ލީބިޔާގެ ޓްރިޕޮލީގައި ހިނގި ހަމަނުޖެހުންތަކުގައި 28 މީހުން މަރުވެއްޖެ
27 މެއި 2017 | ހޮނިހިރު 09:39ވެރިރަށް ޓްރިޕޮލީގައި ގާއިމުވެފައިވާ، އދ. އިން ވާގިވެރިވާ ސަރުކާރަށް ވެރިރަށުގައި ކޮންޓްރޯލެއް ނެތް
ހަމަލާ ދިން މީހުން ދިރިއުޅޭ ސަރަހައްދެއް
ލީބިޔާގައި ސަރުކާރާ ދެކޮޅަށް ހަނގުރާމަވެރިން ވެރިރަށް ޓްރިޕޮލީ ގައި ދިން ހަމަލާތަކެއްގައި މަދުވެގެން 28 މީހުން މަރުވެ 130 މީހުން ޒަޚަމްވެއްޖެއެވެ.
ރިޕޯޓުތައް ބުނާގޮތުން ލިބިޔާގެ ވެރިރަށް ޓްރިޕޮލީގެ އެކި ސަރަހައްދުތަކަށް ހަަމަލާ ދީފައިވާއިރު، މަންޒަރު ދުށްމީހުންނާއި ހަވާލާދީ މީޑިއާ ރިޕޯޓުތައް ބުނާގޮތުން މީހުން އުޅޭ ސަރަހައްދުތަކަށް ވެސް ހަނގުރާމަވެރިން ވަނީ ވަރުގަދަ ހަމަލާތަކެއް ދީފައެވެ.
އދ. އިން ވާގިވެރިވާ ލީބިޔާގެ ސަރުކާރު، ނުވަތަ ގަވަމަންޓް އޮފް ނެޝެނަލް އެކްކޯޑް (ޖީއެންއޭ) ވަނީ، 2016 ގައި ވެރިރަށް ޓްރިޕޮލީ އަށް އައި ފަހުން އެތާ ގާއިމުވެ ތިބުމަށް ބޮޑެތި ގޮންޖެހުންތަކާ ކުރިމަތިލާން ޖެހިފައެވެ.
ވެރިރަށް ޓްރިޕޮލީގައި ޖީއެންއޭގެ ކޮންޓްރޯލް އޮތީ ކުޑަކޮށް ކަމަށްވާއިރު، ރިޕޯޓުތައް ބުނާ ގޮތުން އެ ސަރުކާރު ހިންގުމަަށް ބަރޯސާ ވަނީ ހަތިޔާރު އެޅީ ހަނގުރާމަވެރި ޖަމާއަތްތަކަށެވެ.
ހަމަލާތަކާ ގުޅިގެން އދ. އިން ލީބިޔާ އަށް ކަނޑައަޅުއްވާފައިވާ މަންދޫބު މާޓިން ކޮބްލާ ވަނީ ހިނގަމުންދާ ހަަމަނުޖެހުން ކުވެރިކުރައްވައި ހުރިހާ ފަރާތްތަކުން ވެސް ސުލްހަ އިސްކުރުމަށް ގޮވާލައްވާފައެވެ.
