ޖަރުމަނުގައި ދިން ބަޑީގެ ޙަމަލާތަކެއްގައި ދެމީހުން މަރުވެއްޖެ
10 އޮކްޓޯބަރު 2019 | ބުރާސްފަތި 07:59އެ ހަމަލާތަކުގައި މަރުވީ އަންހެނަކާއި ފިރިހެނެއް
ޖަރުމަން
ޖަރުމަނުގެ އިރުމަތީ ސިޓީ އެއް ކަމަށްވާ ހޭލީ ގައި ދިން ބަޑީގެ ހަމަލާތަކެއްގައި ދެމީހުން މަރުވެއްޖެއެވެ.
ހޭލީ ސިޓީގައި ދިން ބަޑީގެ ދެ ހަމަލާގައި މަރުވެފައި ވަނީ އަންހެނަކާއި ފިރިހެނެކެވެ. އަދި އެ ހަމަލާތަކުގައި އިތުރު ދެމީހަކަށް ބޮޑެތި ޒަހަމްތަކެއް ވަނީ ވެފައެވެ.
ތުރުކީއަށް ނިސްބަތްވާ ކެބާބް ފިހާރަ އަކަށާއި ޔަހޫދީން އަޅުކަން ކުރަމުން އަންނަ ތަނަކަށް ދިން ބަޑީގެ ދެ ހަމަލާގައި ފުލުހުން ވަނީ އެކަކު ހައްޔަރު ކޮށްފައެވެ. އަދި އެ ހަމަލާއާއި ގުޅުން ހުރި އިތުރު މީހަކު ހޯދުމުގެ މަސައްކަތް ކުރަމުން އަންނަ ކަމަށް ރިޕޯޓްތަކުން ބުނެއެވެ.
މީޑިއާ ބައެއް ރިޕޯޓްތަކުން ބުނާ ގޮތުގައި އެ ހަމަލާތަކުގައި ހަމަލާ ދިން މީހާ ލައިގެން ހުރީ އަސްކަރީ ހެދުމެކެވެ.
ހޭލީގައި ދިން ބަޑީގެ ޙަމަލާތައް ފުލުހުން އިތުރަށް ތަހްޤީގު ކުރަމުން އަންނަ އިރު ފުލުހުން ވަނީ އެ ސިތީގައި ދިރިއުޅޭ ފަރާތްތަކަށް ގެއިން ނުނިކުމެ ތިބެން އަމުރު ނެރެފައެވެ.
