ވިޖޫ ކޯޓޭ މަރުވެއްޖެ

ޝޯލޭގައި ކާލިއަ އަދި އަންދާޒް އަޕްނާ އަޕްނާގެ ރޮބެޓްގެ ރޯލުން ގިނަ ބައެއްގެ މަގުބޫލްކަން ހޯދި ވިޖޫ ކޯޓޭ މަރުވެއްޖެއެވެ.

ވިޖޫ މަރުވެފައިވަނީ އުމުރުން 77 އަހަރުގައި ހޯމަ ދުވަހު މުމްބާއިގައި ހުންނަ އޭނާގެ ގޭގައެވެ. ވިޖޫގެ އާއިލާގެ މީހަކާ ހަވާލާދީ ރިޕޯޓްތައް ބުނާ ގޮތުން އޭނާ މަރުވެފައިވާނީ ހެނދުނު 06:55 ހާއިރު ނިދީގެ ތެރޭގައި ގުނަވަންތަކެއް ފޭލް ވެގެންނެވެ. ވިޖޫ މަރުވެފައިވަނީ ގިނަ ދުވަސްތަކެއް ވަންދެން ބަލި އެނދުގައި އުޅުމަށް ފަހުއެވެ.

ވިޖޫ ވަނީ އޭނާގެ ފިލްމީ ކެރިއަރުގައި 440 އަށް ވުރެ ގިނަ ހިންދީ ފިލްމުގެ އިތުރުން މަރާތީ ފިލްމު ކުޅޭފައެވެ. އޭނާ އެންމެ ފުރަތަމަ ފިލްމެއް ކުޅެފައިވަނީ، ޔާ މަލަކް އެވެ. ވިޖޫ އެންމެ ފަހުން ކުޅެފައިވަނީ 2018 ވަނަ އަހަރު ނެރުނު ފިލްމު '' ޖާނޭ ކިޔުދޭ ޔާރޯ'' އެވެ.