ރިޓަޔަރ ކުރަން އަދި ތައްޔާރު ނޫން ކަމަށް ސްރީލަންކާގެ ރައީސް މައިތިރިޕާލަ ސިރިސޭނަ ވިދާޅުވެއްޖެއެވެ.

ހޮނިހިރު ދުވަހު ޕޮލައްނަރުވާގައި ވާހަކަފުޅު ދައްކަވަމުން ސިރިސޭނަ ވިދާޅުވީ، އެމަނިކުފާނު ހުންނެވީ ރަނގަޅު ސިއްހައްތެއްގައި ކަމަށާއި، އަދި ރައްޔިތުންނަށް ހިދުމަތް ކުރުމުގައި ދެމިހުންނަވާނެ ކަމަށެވެ. އެމަނިކުފާނު ވިދާޅުވީ، ޑިސެމްބަރު މަހު އޮންނަ އިންތިހާބުގައި ވާދަ ކުރައްވާނެ ކަމަށް ވިދާޅުވެފައިނުވާތީ ބައެއް ފަރާތުން ހީކޮށްގެން ތިބީ އެމަނިކުފާނު ސިޔާސީ ދާއިރާއިން ގެއްލިގެންދާނެ ކަމަށެވެ.

ސްރީލަންކާގެ އިންތިހާބު ނޮވެމްބަރު މަހު 16 ގައި ބާއްވާނެކަން އެ ގައުމުގެ އިލެކްޝަން ކޮމިޝަނުން ވަނީ އިއުލާން ކޮށްފައެވެ. މި ފަހަރުގެ އިންތިހާބުގައި މިހާތަނަށް ތިން ކެންޑިޑޭޓަކު ވާދަކުރަައްވާނެ ކަމަށް ވަނީ އިއުލާން ކޮށްފައެވެ. އެއީ، ވެރިކަން ކުރާ ޔުނައިޓެޑް ނެޝަނަލް ޕާޓީން ވާދަކުރައްވާ ސަޖިތް ޕްރޭމަދާސަ، ޖަނަކް ވިމުކްތީ ޕެރުމުނަ ޕާޓީން ނެރޭ ކެންޑިޑޭޓް އަނޫރާ ކުމާރަ ޑިސަނަޔަކަގެ އިތުުރުން ރަޖާޕަކްސަގެ ކޮއްކޮފުޅު ގޯތާބަޔާ ރާޖަޕަކްސައެވެެ. އަދި މީގެ އިތުރުން އަމިއްލަ ގޮތުން ކެންޑިޑޭޓުން ތަކެއް ވާދަކުރައްވާނެއެވެ.