ޔަމަންގެ ހޫތީ ޖަލުތަކުގައި 400 އަށްވުރެ ގިނަ މީހުންނަށް އަނިޔާ ކޮށްފައިވޭ
17 ސެޕްޓެމްބަރު 2019 | އަންގާރަ 19:16ހޫތީ ޖަލުތަކުގައި މީހުންނަށް އަނިޔާ ކޮށްފައިވާކަމުގެ 455 ކޭސް ރިޕޯޓު ކުރެވިފައިވޭ
ހޫތީގެ ޖަލުތަކުގައި އަންހެނުންނާއި، ކުޑަކުދިން އަދި އުމުރުން ދުވަސްވެފައިވާ ގިނަ އަދަދެއްގެ ބަޔަކަށް ވަނީ އަނިޔާ ކޮށްފައި
ޔަމަންގެ ހޫތީ ޖަލުތަކުގައި މީހުންނަށް އަނިޔާ ކޮށްފައިވާކަމުގެ 455 ކޭސް ރިޕޯޓު ކުރެވިފައިވާކަމަށް ޖެނީވާގައި ހުންނަ ހިއުމަން ރައިޓްސް ކައުންސިލްގެ ސެޝަންއެއްގައި ޔަމަން ކޯލިޝަން ފޮރ މޮނިޓާރިންގ ހިއުމަން ރައިޓްސް ވަޔަލޭޝަންސް އިން ބުނެފިއެވެ.
ހޫތީގެ ޖަލުތަކުގައި އަންހެނުންނާއި، ކުޑަކުދިން އަދި އުމުރުން ދުވަސްވެފައިވާ ގިނަ އަދަދެއްގެ ބަޔަކަށް އަނިޔާ ކޮށްފައިވާކަމަށް ހިއުމަން ރައިޓްސް ޖަމިއްޔާއިން ވަނީ ބުނެފައެވެ. އެ ޖަމިއްޔާއިން ބުނީ މި 2014 ވަނަ އަހަރުގެ ސެޕްޓެމްބަރު މަހުން ފެށިގެން 2018 ވަނަ އަހަރުގެ ޑިސެމްބަރުގެ މަހުގެ ނިޔަލަށް ނުވަ ކުޑަ ކުދިންނާއެކު ޖުމްލަ 170 މީހަކު ހޫތީގެ ޖަލުތަކުގައި މަރާލެވިފައި ވާކަމަށެވެ.
ފާއިތުވި ހަފްތާގެ ތެރޭގައި ހޫތީއިން 3500 މީހުން ގެއްލުވާލާފައި ވާކަމަށް ވެސް ވަނީ އާންމު ވެފައެވެ.
