ސިއަރަ ލިއޯންގައި ކިސަޑު ފައިބައި އަދި ފެންބޮޑުވުމާއި ގުޅިގެން 400 މަރު
16 އޯގަސްޓު 2017 | ބުދަ 10:53ސިއަރަ ލިއޯންގެ ރައީސް ބައި ކޮރޮމާ ވިދާޅުވެފައި ވަނީ ގައުމަށް މިވަގުތުން މިވަގުތަށް އެހީ ބޭނުންވާ ކަމަށް
ހާދިސާ ހިނގި ސަރަހައްދެއްގައި އޮފިޝަލުން ހަރަކާތްތެރި ވަނީ
ސިއަރަ ލިއޯންގައި ކިސަޑު ފާބައި އަދި ފެންބޮޑުވުމާއި ގުޅިގެން 400 މީހަކު މަރުވެ އަދި 600 މީހަކު ގެއްލިފައިވާ ކަމަށް ރިޕޯޓުތައް ބުނެފިއެވެ.
މިހާދިސާ ހިނގާފައި ވަނީ ސިއަރަ ލިއޯންގެ ވެރިރަށް ފްރީޓައުންގައެވެ. ސިއަރަ ލިއޯންގެ ރައީސް ބައި ކޮރޮމާ ވިދާޅުވެފައި ވަނީ ގައުމަށް މިވަގުތުން މިވަގުތަށް އެހީ ބޭނުންވާ ކަމަށެވެ.
ރެޑް ކްރޮސް އިން ބުނެފައި ވަނީ ދިރިހުއްޓާ މީހަކު ފެނޭތޯ މަސައްކަތް ކުރަމުންދާ ކަމަށާއި ގިނަ މަސައްކަތްތަކަށް ކުޑަ ވަގުތުކޮޅެއްގެތެރޭ ކުރަން ޖެހިފައިވާ ކަމަށެވެ.
މީހުންގެ ސަލާމަތް ކުރުމުގެ މަސައްކަތުގައި އދ ގެ ޓީމްތައް ވެސް ދަނީ ބައިވެރިވަމުންެނެވެ.
ސިއަރަ ލިއޯންގެ ވެރިރަށް ފްރީޓައުން އާއި އެ ސިޓީ އާ ކައިރީގައިވާ ސަރަހައްދުތަކަކީ ގިނަގިނައިން ވާރޭ ވެހޭ އާންމުކޮށް ފެންބޮޑުވުުމުގެ ހާދިސާތައް ކުރިމަތިވާ ސަރަހައްދުތަކަކެވެ.
