ބާސެލޯނާ ވޭން އެޓޭކް: 13 މީހުން މަރުވެ، 100 އަށްވުރެ ގިނަ މީހުން ޒަހަމްވެއްޖެ!
މިހާދިސާ ހިނގާފައިވާ ބާސެލޯނާގެ ލެސް ރަމްބްލަސްގައި
ސްޕެއިންގެ ބާސެލޯނާގައި ހިނގި ވޭން އެޓޭކް
ބާރު ސްޕީޑުގައި ދުއްވާފައި ދިޔަ ވޭނެއް ގިނަ އަދަދެއްގެ އާންމުން ތިބި ސަރަހައްދަކަށް ވަދެ ހިނގި ހާދިސާގައި 13 މީހުން މަރުވެއްޖެ އެވެ.
ސްޕެއިންގެ ބާސެލޯނާގައި ހިނގާ ދިޔަ މިހާދިސާގައި 100 ވުރެ ގިނަ މީހުން ވަނީ ޒަހަމްވެފަ އެވެ.
މަންޒަރު ދުއް މީހަކު ބުނި ގޮތުގައި ލެސް ރަމްބްލަސް އެވެނިއު ސަރަހައްދަށް މީހުން ފޫއަޅުވާލައި ގިނަ އަދަދެއްގެ މީހުންގެ ތެރެއަށް ވޭނެއް ވަދެގެން ދިއުމުގެ ސަބަބުން އާންމުންނަށް ބިރުވެރިކަމާއި ކުރިމަތިވި އެވެ. ލެސް ރަމްބްލަސް އަކީ ގިނަ އަދަދެއްގެ އާންމުންނާއި ފަތުރުވެރިން ގޮސް އުޅޭ ސަރަހައްދެކެވެ.
މިހާދިސާއާއި ގުޅިގެން އެކަކު ހައްޔަރު ކޮށްފައިވާ އިރު މިހާދިސާއަކީ ޓެރަރިސްޓް އެކޭޓެއްގެ ގޮތުގައި ސްޕެއިންގެ ފުލުހުންދަނީ ތަހުގީގު ކުރަމުންނެވެ.
މިހާދިސާއާއި ގުޅިގެން އާންމުން އެއްވެ އުޅޭ ސަރަހައްދުތަކުގައި ހިންގުމަށް ރޭވުނު ގިނަ އަދަދެއްގެ ޕަބްލިކް އިވެންޓްތައް ވަނީ ކެންސަލް ކޮށްފަ އެވެ. މީގެ އިތުރުން އާންމުން ގިނައިން ގޮސް އުޅޭ ޓްރެއިން ސްޓޭޝަންތައް ވެސް ވަގުތީ ގޮތުން ބަންދުކުރުމަށް ވަނީ ނިންމާފަ އެވެ.
