ކައިޓް ފެސްޓިވަލް އަނެއްކާވެސް ރާއްޖޭގައި
ފެސްޓިވަލް ފަށާނީ ސެޕްޓެމްބަރު 28 ގައި
މި ހަރަކާތް މި ފަހަރު ރާއްޖޭގެ ތިން ސަރަހައްދެއްގައި ކުރިއަށް ގެންދިއުމަށް ވަނީ ހަމަޖެހިފަ
ކޮކޫން މޯލްޑިވްސް އާއި އެމްއެމްޕީއާރުސީ ގުޅިގެން މިއަހަރުވެސް އިންޓަރނޭޝަނަލް ކައިޓް ފެސްޓިވަލް ރާއްޖޭގައި ބާއްވަން ނިންމައިފިއެވެ.
ސެޕްޓެންބަރު މަހުގެ 28 ވަނަ ދުވަހު ފެށުމަށް ހަމަޖެހިފައިވާ މި ހަރަކާތް މި ފަހަރު ރާއްޖޭގެ ތިން ސަރަހައްދެއްގައި ކުރިއަށް ގެންދިއުމަށް ވަނީ ހަމަޖެހިފައެވެ. ހަރަކާތް ފެށުމަށް ހަމަޖެހިފައި ވަނީ މާލޭގެ އެކުވެނި ސްޓޭޑިއަމްގައެވެ.
މާލެއަށް ފަހު އޮކްޓޯބަރު މަހުގެ ހަތަރު ވަނަ ދުވަހު ހަރަކާތް ކުރައަށް ގެންދާނީ ޅ. ހިންނަވަރުގައެވެ.
ފެސްޓިވަލްގެ ހަރަކާތްތައް ސެޕްޓެމްބަރު 28 އިން ފެށިގެން އޮކްޓޯބަރު ތިން ވަނަ ދުވަހުގެ ނިޔަލަށް ކޮކޫން މޯލްޑިވްސް ގައި ވެސް ކުރިއަށް ދާނެއެވެ.
މި ހަރަކާތުގައި ދުނިޔޭގެ ގުޑި އެރުވުމުގެ ޗެމްޕިއަނުން ކަމަށްވާ ގިލިއާމް ލިނަރެސް، އެޑީ އެންޖެލީނޯ އަދި ޑެނިއަލް ވައި ޔޫ ބައިވެރިވާނެއެވެ.
ކޮކޫން މޯލްޑިވްސް އިން ބުނީ މި ހަރަކާތަކީ ގުޑި އަރުވަން ބޭނުންވާ ފަރާތްތަކަށް ރަނގަޅު ފުރުސަތެއް ކަމުގައެވެ. އަދި ފެސްޓިވަލަށް ޒިޔާރަތް ކުރާ ފަރާތްތަކަށް ހާއްސަ ހަދިޔާ ލިބިގެން ދާނެ ކަމަށް ކޮކޫން މޯލްޑިވްސް އިން ބުންޏެވެ.
