ޑިޕޮސިޓް ފައިސާ ކައުންޓަރުތަކުން ބަލައިގަތުމަށް އިކޮނޮމިކް މިނިސްޓްރީން ނިންމައިފި
ރާއްޖޭގައި 1،44,607 ބިދޭސީން ދިރިއުޅޭ
ބިދޭސީންތަކެއް
ރާއްޖޭގައި މަސައްކަތް ކުރުމަށް ގެންނަ ބިދޭސީންނަށް ދައްކާ ޑިޕޮސިޓް ފައިސާ އިކޮނޮމިކް މިނިސްޓްރީގެ ކައުންޓަރުތަކުން ބަލައިގަތުމަށް ނިންމައިފިއެވެ.
އިކޮނޮމިކް މިނިސްޓްރީން ކޮށްފައިވާ އިޢުލާނެއްގައި ބުނެފައިވަނީ އެކްސްޕެޓް އޮންލައިން ސިސްޓަމް މެދުވެރިކޮށް ޑިޕޮސިޓް ފައިސާ ދެއްކޭނެ އިންތިޒާމްތައް ހަމަޖެއްސުމަށް ވަގުތު ދިނުމަށްޓަކައި ކައުންޓަރުތަކުން ޑިޕޮޒިޓް ފައިސާ ބަލައިގަތުމަށް ނިންމާފައިވާ ކަމަށެވެ.
ރާއްޖޭގައި މަސައްކަތް ކުރުމަށް ގެނެވޭ ބިދޭސީންނަށް ދައްކާ ޑިޕޮސިޓް ފައިސާ، މިދިޔަ މަހުގެ 25 ވަނަ ދުވަހުން ފެށިގެން ދެއްކޭނީ ހަމައެކަނި އެކްސްޕެޓް އޮންލައިން ސިސްޓަމް މެދުވެރިކޮށް ކަމަށް އިކޮނޮމިކް މިނިސްޓްރީ މީގެ ކުރިން ބުނެފައިވާއިރު މި ބަދަލުގެ ސަބަބުން ސިސްޓަމް މެދުވެރިކޮށް ޑިޕޮސިޓް ފައިސާ ދައްކާ ބައެއް ފަރާތްތަކަށް، އެ ފަރާތުން މި ކަމަށް ހަމަޖައްސަން ޖެހިވަޑައިގަންނަވާ އިންތިޒާމްތައް ހަމަޖެހިފައިނެތްކަން މިނިސްޓްރީން ބުނެއެވެ.
ރާއްޖޭގައި 1،44,607 ބިދޭސީން އުޅެއެވެ. އޭގެތެރޭގައި ގަވައިދާ ޚިލާފަށް އުޅޭ 63،000 ބިދޭސީން ރާއްޖޭގައި މިވަގުތު ތިބި ކަމަށް އިމިގްރޭޝަންގެ ތަފާސް ހިސާބުތަކުން ދައްކައެވެ.
