ތިނަދޫ ކައުންސިލުގެ ރައީސްގެ މަގާމަށް އަލީ އަމްޖަދު
އަލީ އަމްޖަދު ހޮވިވަޑައިގެންނެވީ ކައުންސިލް މެމްބަރުންގެ މެދުގައި އާދީއްތަ ދުވަހު ނެގި ވޯޓަކުން
އަލީ އަމްޖަދު
ގދ. ތިނަދޫ ކައުންސިލު ރައީސްގެ މަގާމަށް އަލީ އަމްޖަދު ހޮވިވަޑައިގެންފިއެވެ.
އަލީ އަމްޖަދު ހޮވިވަޑައިގެންނެވީ ކައުންސިލް މެމްބަރުންގެ މެދުގައި އާދީއްތަ ދުވަހު ނެގި ވޯޓަކުން ކަމަށް ކައުންސިލުން ބުނެއެވެ.
ކައުންސިލްގެ ރައީސްގެ މަގާމަށް އަލީ އަމްޖަދު ހޮވިވަޑައިގަތީ ކުރިން އެމަގާމުގައި ހުންނެވި، އިބްރާހިމް އަސްއަދު ކައުންސިލްގެ ރައީސްގެ މަގާމުން ވަކި ކުރެވުމާއި ގުޅިގެންނެވެ. އައްސަދުގެ އިތުބާރު ނެތްކަމުގެ ވޯޓު ނަގައި އޭނާ މަގާމުން ދުރުކޮށްފައިވަނީ މިދިޔަ މަހުގެ 28 ވަނަ ދުވަހު ބޭއްވުނު ކައުންސިލް ބައްދަލުވުމެއްގައެވެ. އައްސަދު މަގާމުން ދުރުކުރުމަށް ފާސްކޮށްފައިވަނީ ތިނަދޫ ކައުންސިލްގެ 4 މެމްބަރުންގެ ވޯޓުންނެވެ.
އައްސަދު މައްޗަށް އިތުބާރު ނެތް ކަމުގެ ވޯޓު ނެގީ ކައުންސިލްގެ ރައީސް، އެހެން ކައުންސިލްގެ މެމްބަރުންނާއި މަޝްވަރާނުކޮށް ނިންމުންތައް ނިންމުމާއި ގުޅިގެން ކަމަށް ކައުންސިލުން ވަނީ ބުނެފައެވެ.
