ވިޔަފާރި-އިގްތިސާދު
ޓޫރިޒަމް މިނިސްޓްރީ
އިންޓަކޮންޓިނެންޓަލް މޯލްޑިވްސް މާމުނަގައު ރިސޯޓް ހުޅުވައިފި
އެ ރިސޯޓު ހުޅުވާފައިވަނީ މިއަދު
ތަހާރަތު މުހައްމަދު ވަހީދު, ރާއްޖެ އެމްވީ | 2 ސެޕްޓެމްބަރު 2019 | ހޯމަ 04:37
އިންޓަކޮންޓިނެންޓަލް މޯލްޑިވްސް މާމުނަގައު ރިސޯޓް ހުޅުވުން
އިންޓަކޮންޓިނެންޓަލް މޯލްޑިވްސް މާމުނާގައު ރިސޯޓް ހޯމަ ދުވަހު ހުޅުވައިފިއެވެ.
މި ރިސޯޓް ހުޅުއްވައި ދެއްވީ ޓޫރިޒަމް މިނިސްޓަރ އަލީ ވަހީދެވެ.
މި ރިސޯޓަކީ ރާއްޖޭގެ ގިނަ ރިސޯޓްތަކެއް ހިންގާ ސިންގަޕޫރުގެ ހޮޓެލް ޕްރޮޕަޓީސް ލިމިޓެޑް (އެޗްޕީއެލް) އިން ރ. މާމުނާގައުގައި 83 ކޮޓަރިއަށް ހެދި ރިސޯޓެކެވެ.
މި ރިސޯޓުގައި މަސައްކަތް ކުރާ 56 ޕަސެންޓް މުއައްޒަފުންނަކީ ދިވެހިންނެވެ.
މިއީ ރައީސް އިބްރާހިމް މުހައްމަދު ސޯލިހު ވެރިކަމަށް ވަޑައިގެންނެވި ފަހުން ރާއްޖޭގައި ހުޅުވި 16 ވަނަ ރިސޯޓު ކަމަށް ޓޫރިޒަމް މިނިސްޓްރީން ބުނެއެވެ.
