ހޮންޑާ މޯލްޑިވްސް ވެބްސައިޓް ލޯންޗްކޮށް އޮންލައިން ހިދުމަތް ފަށައިފި
އާ ވެބްސައިޓާ އެކު އޮންލައިންކޮށް ހިދުމަތަށް އެދެވޭނެ
ޝީޝާގެ ފަރާތުން ލޯންޗް ކުރި ހޮންޑާ މޯލްޑިވްސް ވެބްސައިޓް
ހޮންޑާގެ ރާއްޖޭގެ ހަމައެކަނި ޑިސްޓިބިއުޓާ ޝީޝާގެ ފަރާތުން "ހޮންޑާ މޯލްޑިވްސް ވެބްސައިޓް" Honda.mv ލޯންޗްކޮށް، އޮންލައިންކޮށް ހިދުމަތް ހޯދޭނެ ގޮތް ހަމަޖައްސައިފިއެވެ.
ޗަންޕާ ސެންޓްރަލް ހޮޓެލްގައި އާދީއްތަ ދުވަހު ހަވީރު ބޭއްވި ރަސްމީއްޔާތެއްގައި "ހޮންޑާ މޯލްޑިވްސް ވެބްސައިޓް" ލޯންޗްކޮށް ދެއްވީ ޝީޝާގެ ބޯޑް މެމްބަރުން ކަމަށްވާ ހުސެއިން މަނިކާއި އިބްރާހީމް ހުޝާމްގެ އިތުރުން ހުސެއިން ހުޝާމެވެ.
މި ވެބްސައިޓް ތައާރަފުކުރުމާއެކު، ޝީޝާގެ ފަރާތުން ރާއްޖެއަށް އެތެރެކުރާ ހުރިހާ ޕްރޮޑަކްޓެއްގެ މައުލޫމާތު ފަސޭހަކަމާއެކު ބަލާލެވޭނެއެވެ. އެގޮތުން ސައިކަލްތަކުގެ މައުލޫމާތު ޗެކްކުރެވޭއިރު އިންސްޓޯމެންޓަށް ސައިކަލް ނެގޭނެ ގޮތުގެ މައުލޫމާތު ވެސް ފަސާހަ ކަމާއެކު ފެންނަން ހުރެއެވެ. އެއް ސައިކަލް އަނެއް ސައިކަލާ އަޅާ ކިޔޭއިރު އެއް އިންސްޓީލްމެންޓް އަނެއް އިންސްޓޯލްމެންޓާ ވެސް އަޅާ ކިޔޭނެ ގޮތް ވަނީ ހަދައިފައެވެ.
މީގެއިތުރުން ވެބްސައިޓްގައި ހިމަނާފައިވާ އީޒީ ސާވިސް މެދުވެރިކޮށް ސައިކަލް ސާވިސް ކުރުމަށް ކަސްޓަމަރަށް ފަސާހަ ގަޑިއެއް ނުވަތަ ދުވަހެއް ހަމަޖެއްސުމުގެ ފުރުސަތު ވެސް ލިބެ އެވެ.
ޝީޝާއިން ބުނީ އަލަށް ލޯންޗްކުރި ޝީޝާ މޯލްޑިވްސް ވެބްސައިޓާއެކު ޝީޝާގެ ފަރާތުން ކަސްޓަމަރުންނަށް ހިދުމަތް ދިނުމުގައި އިތުރު ލުއި ފަސޭހަތައް ލިބިގެންދާނެ ކަމަށެވެ. ހަމަ އެހެންމެ ޝީޝާގެ ހިދުމަތް ހޯދާ ފަރާތްތަަކަށް ވެސް ޝީޝާގެ ހެޑް އޮފީހަށް ނުގޮސް ފަސޭހަ ކަމާއެކު ހިދުމަތް ލިބިގެންދާނެ ކަމަށް ޝީޝާ އިން ހާމަކުރެއެވެ.
