އާދީއްތަ 17 ނޮވެންބަރު 2019
04 ނޮރަ
1441 ރަބީއުލް އައްވަލް 20
ފަތިސް 04:36
އިރުއަރާ 05:51
މެންދުރު 11:55
އަސްރު 15:15
މަޣްރިބް 17:51
އިޝާ 19:06
ދުނިޔެ - ބަޑީގެ ހަމަލާ

ޓެކްސަސްގައި ދިން ބަޑީގެ ހަމަލާއެއްގައި ފަސް މީހަކު މަރާލައިފި

  • ހަމަލާ ދިން މަޤްސަދު އަދި ސާފެއް ނުވޭ

ސިމާހާ ނަސީމް
sim_kamana

ކ. މާލެ 1 ސެޕްޓެންބަރ 2019 | އާދީއްތަ 08:21 1,803

ހަމަލާ ދިން މަޤްސަދު އަދި ސާފެއް ނުވޭ - ރޮއިޓަރސް

ޓެކްސަސްގައި ދިން ބަޑީގެ ހަމާލެއްގައި ފަސް މީހަކު މަރާލައިފިއެވެ.

އެ ޤައުމުގެ ފުލުހުން ބުނެފައިވަނީ މި ބަޑީގެ ހަމަލާތައް ދީފައިވަނީ ހޮނިހިރު ދުވަހުގެ މެންދުރުގެ ވަގުތެއްގައި ޓެކްސަސްގެ އޮޑޭސާ އަދި މިޑްލޭންޑް ސިޓީގައި ކަމަށެވެ. މި ބަޑީގެ ހަމަލާދީފައިވާ މަޤްސަދު އަދި ސާފުނުވާއިރު ހަމަލާ ދިން މީހާ ވަނީ ވެހިކަލެއް ދުއްވަމުން މީހުންނަށް ހަމަލާދީފައެވެ.

މި ހާދިސާގައި 5 މީހަކު މަރުވިކަން ކަށަވަރުވެފައިވާއިރު 16 މީހަކު ވަނީ ޒަހަމްވެފައެވެ. ޒަހަމްވި މީހުންގެ ތެރޭގައި އެ ޤައުމުގެ 3 ފުލުހެއް ވެސް ހިމެނެއެވެ. އޮޑޭސާ މެޑިކަލް ހޮސްޕިޓަލުން ރިޕޯޓް ކޮށްފައިވާ ގޮތުން ޒަހަމްވި މީހުންގެ ތެރެއިން އުމުރުން 2 އަހަރުގެ ކުޑަކުއްޖަކު ހިމެނެއެވެ. އަދި އިތުރު 7 މީހުންގެ ހާލު ސީރިއަސް ކަމަށް ވެސް އެ ހޮސްޕިޓަލުން ބުނެއެވެ.

ޓެކްސަސްގެ ފުލުހުން ބުނީ މި ހަމަލާ ދިން މީހާ އާއި ފުލުހުންނާއި ދެމެދު ހިނގި އިތުރު ބަޑީގެ ހަމަލާތަކެއްގައި އޭނާ މަރުވެފައިވާ ކަމަށެވެ.

އޮޑޭސާ އަދި މިޑްލޭންޑް ސިޓީގައި މި ހަމަލާތައް ދީފައިވާއިރު މީގެ 4 ހަފްތާކުރިން ޓެކްސަން ސިޓީގެ އެލްޕަސޯގައި ދިން ބަޑީގެ ހަމާލެއްގައި 22 މީހުން މަރުވެ 24 މީހަކު ވަނީ ޒަހަމްވެފައެވެ.

އެންމެ ފަހުން އަޕްޑޭޓް ކުރީ: 3 މަސް ކުރިން | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް